పాక్​ లో ఆత్మాహుతి దాడి భారత వ్యతిరేకి హక్కానీ మృతి

ఇస్లామాబాద్​: పాకిస్థాన్​ లోని ఖైబర్​ ఫంక్తూక్వా మసీదు బయట శుక్రవారం ఆత్మాహుతి దాడి జరిగింది. ఈ దాడిలో తాలిబన్​ పితామహుడుగా భావించే మౌలానా సమీ ఉల్​ హక్​ కుమారుడు మౌలానరా హమీద్​ ఉల్​ హక్​ మృతి చెందాడు. అఖోరా ఖట్టక్​ ప్రాంతంలోని దారుల్​ ఉలూమ్​ హక్కానీ మదర్సాలో ప్రార్థనలు చేసుకొని బయటికి వచ్చిన సమయంలో ఈ ఆత్మాహుతి దాడి జరిగినట్లు పోలీసులు పేర్కొన్నారు. 15 మంది వరకు తీవ్ర గాయాలయ్యాయి. హమీద్​ ఉల్​ హక్కానీ పాక్​ లోని హక్కానియా మదర్సాలకు అధిపతిగా వ్యవహరిస్తున్నాడు. ఇతను తరచూ భారత వ్యతిరేక ప్రకటనలు చేస్తూ వార్తల్లో నిలుస్తుంటాడు. మృతుల సంఖ్య మరింత పెరిగే అవకాశం ఉన్నట్లు పోలీసులు తెలిపారు. కాగా ఈ బాంబుదాడులకు ఇంకా ఏ ఉగ్రవాద సంస్థ బాధ్యత వహించలేదు.