బుల్లెట్​ రైలు ప్రాజెక్టు పూర్తి

కొనసాగుతున్న సముద్రగర్భం సొరంగం పనులు
రైల్వేశాఖ మంత్రి అశ్వినీ వైష్ణవ్​

అహ్మాదాబాద్​: 360 కి.మీ. బుల్లెట్​ రైలు ప్రాజెక్టు పూర్తయిందని, సముద్రగర్భం సొరంగం పనులు కొనసాగుతున్నాయని రైల్వే శాఖ మంత్రి అవ్వినీ వైష్ణవ్​ తెలిపారు. శనివారం అహ్మాదాబాద్​ రైల్వే స్టేషన్​ ప్రాజెక్టు పనులను పరిశీలించారు. వివరాలను మీడియాతో పంచుకున్నారు. ఉద్ధవ్​ ఠాక్రే అనుమతి ఆలస్యం కారణంగా ప్రాజెక్టు పనులు రెండేళ్లు ఆలస్యమయ్యాయని ఆవేదన వ్యక్తం చేశారు. ఎట్టకేలకు ఇప్పుడు పరిష్కారం లభించిందని తెలిపారు. బుల్లెట్​ ప్రాజెక్టు సముద్ర గర్భంలో రెండు కిలోమీటర్ల పనులు పూర్తయ్యాయని తెలిపారు. ప్రధాని మోదీ దార్శనికతతో ఈ ప్రాజెక్టుల నిర్మాణం వల్ల లక్ష మందికి ఉపాధి లభించిందన్నారు. గుజరాత్​ లో పనులు వేగంగా కొనసాగినా, మహారాష్ర్టలోనే భూసేకరణలో జాప్యం జరిగిందన్నారు. 40 మీటర్ల వంతెనను కేవలం 16 గంటల్లోనే పూర్తి చేయడం అధికారులు, కార్మికుల సామర్థ్యాన్ని సూచిస్తున్నాయని ప్రశంసించారు. బుల్లెట్​ రైలు భారత్​ మౌలిక సదుపాయాల అభివృద్ధిలో ఒక ముఖ్యమైన అడుగును సూచిస్తుందని చెప్పారు. ఎంఎహెచ్​ ఎస్​ ఆర్​ ప్రాజెక్టు ముంబై, సూరత్​, వడోదర, అహ్మాదాబాద్​ లను అనుసంధానించే ప్రాజెక్టు. ఈ ప్రాజెక్టు మొత్తం వ్యయం రూ. 1.08 లక్షల కోట్లు.