క్రిమినల్​ చట్టాల అమలుపై అమిత్​ షా సమీక్ష

నా తెలంగాణ, న్యూ ఢిల్లీ: మూడు కొత్త క్రిమినల్ చట్టాల అమలుపై హోంమంత్రి అమిత్ షా సమీక్షించారు. మంగళవారం షా అధ్యక్షతన ఢిల్లీలో ఉన్నత స్థాయి సమీక్షా సమావేశం నిర్వహించారు. ఈ సమవేశంలో నేషనల్​ క్రైమ్​ రికార్డ్స్​ బ్యూరో, హోంశాఖ ఉన్నతాధికారులు, ఎన్​ ఐసీ సీనియర్​ అధికారులు పాల్గొన్నారు. జైళ్లు, కోర్టులు, ప్రాసిక్యూషన్​, ఫోరెన్సిక్​, సాక్ష్యం, సమన్లు వంటి విషయాలపై చర్చించారు. సాంకేతిక పరిజ్ఞానాన్ని ఉపయోగించడం, కాలపరిమితి ప్రకారం దర్యాప్తు అధికారులతో పాటు సీనియర్ అధికారులకు హెచ్చరికలు పంపడం దర్యాప్తు ప్రక్రియను వేగవంతం చేయడంలో ఈ చట్టలు సహాయపడతాయన్నారు. సాంకేతిక ప్రాజెక్టుల అమలును మెరుగుపరచడానికి, సాధ్యమైన అన్ని రకాల సహాయం అందించడానికి హోం వ్యవహారాల మంత్రిత్వ శాఖ, ఎన్సీఆర్బీ నుంచి అధికారుల బృందం రాష్ట్రాలు/యుటిలను సందర్శించాలని అధికారులకు షా స్పష్టం చేశారు.ఈ చట్టాల పురగతిని పర్యవేక్షించేందుకు ఉన్నతాధికారులు నిరంతరం సమావేశాలు నిర్వహించాలన్నారు. సాంకేతిక అమలులో ఎన్సీఆర్బీ చేస్తున్న కృషిని అమిత్​ షా అభినందించారు.