అదానీ, ఇస్కాన్​ రోజుకు 50 లక్షల మందికి ఉచిత అన్నదానం

లక్నో: కుంభమేళాలో అదానీ, ఇస్కాన్​ సంస్థలు భారీ సహాయానికి ముందుకు వచ్చాయి. రోజుకు 50 లక్షల మందికి ఉచిత అన్నదానం (ప్రసాద వితరణ) చేయాలని నిర్ణయించాయి. ఇందుకు అయ్యే ఖర్చును అదానీ సంస్థ భరించనుంది. ప్రయాగ్​ రాజ్​ కు కొద్ది దూరంలో రెండు భారీ వంటశాలలను ఇస్కాన్​ ఏర్పాటు చేసింది. 2500మంది వలంటీర్ల ద్వారా ఆహారాన్ని వండనున్నారు. ఇక్కడి నుంచి పలు వాహనాలలో జాతర జరిగే 40 ప్రాంతాలలో ప్రసాద వితరణకు ఏర్పాటు చేశామని తెలిపారు. దీంతోపాటు మహాకుంభ మేళాకు సంబంధించిన హారతి విశేషాలతో కూడిన కోటి బుక్​ లెట్​ లను కూడా ఉచితంగా అందజేయనున్నారు. ఈ జాతరకు 40 కోట్ల మంది హాజరుకానున్నారని అంచనా వేస్తున్నారు.