6,327కు పెరిగిన డాల్ఫిన్ల సంఖ్య!

నా తెలంగాణ, న్యూ ఢిల్లీ: దేశవ్యాప్తంగా గంగా, బ్రహ్మపుత్ర, సింధునదుల పొడవున ఉన్న తీరాల్లో డాల్ఫిన్ల సంఖ్య 6,327కు చేరుకున్నట్లు నేషనల్​ ఆక్వేరియం ఆఫ్​ ఇండియా వన్యప్రాణి శాస్ర్తవేత్తలు గుర్తించారు. ఈ సర్వే నివేదికను ప్రధాని నరేంద్ర మోదీ విడుదల చేశారు. నివేదిక ప్రకారం అత్యధికంగా డాల్ఫిన్లు కలిగిన రాష్​ర్టంగా ఉత్తరప్రదేశ్​ నిలిచింది. యూపీలో 2,397, బీహార్ 2,220, పశ్చిమ బెంగాల్ 815, అస్సాం 635, ఝార్ఖండ్​ 162 ఉన్నట్లుగా నివేదిక పేర్కొంది. ఈ సర్వే 2021 నుంచి 2024 చివరి వరకు నిర్వహించారు. 8వేల కిలోమీటర్ల విస్తీర్ణంలోని 28 నదులను పరిశీలించి డాల్ఫిన్ల సంఖ్యపై స్పష్టతనిచ్చారు. 2020లో డాల్ఫిన్ల సంఖ్య పెరుగుదల కోసం కేంద్ర ప్రభుత్వం ‘ప్రాజెక్ట్​ డాల్ఫిన్​’ను ప్రారంభించింది. ఈ కార్యక్రమం డాల్ఫిన్ల పెరుగుదలతోపాటు జీవావరణ వ్యవస్థకు కీలకంగా నిలుస్తుందని శాస్ర్తవేత్తలు హర్షం వ్యక్తం చేశారు. కాగా శాస్ర్తవేత్తలు తొలిసారిగా 2024 డిసెంబర్​ లో తొలిసారిగా గంగా నదిలో డాల్ఫిన్​ ను ట్యాగ్​ చేసి అసోంలోని కామరూప్​ బ్రహ్మపుత్ర నదిలో వదిలారు. దీంతో డాల్ఫిన్ల జాతిపై ఉపగ్రహ ట్యాగింగ్​ ద్వారా తొలి ప్రయోగాన్ని చేపట్టినట్లయ్యింది. నదీ జలాల్లో డాల్ఫిన్ల సంఖ్య పెరుగుదలతో జల పర్యావరణ వ్యవస్థకు సానుకూల సంకేతమని శాస్ర్తవేత్తలు సంతోషం వ్యక్తం చేస్తున్నారు.