ఎమ్మెల్యే కుమారుడి ఆత్మహత్య
Suicide of MLA's son
పాట్నా: బిహార్ కడ్వా నియోజకవర్గ కాంగ్రెస్ ఎమ్మెల్యే షకీల్ అహ్మాద్ ఖాన్ కుమారుడు అయాన్ ఖాన్ (18) ఆత్మహత్య చేసుకున్నాడు. గార్దానీబాగ్ లోని నివాసంలో సోమవారం ఉదయం అయాన్ ఖాన్ మృతదేహం వేలాడుతూ కనిపించింది. దీంతో కుటుంబ సభ్యులు, పనిమనుషులు పోలీసులకు ఫిర్యాదు చేశారు. పోలీసులు ఆత్మహత్యకు గల కారణాలపై ఆరా తీస్తున్నారు. కాగా ఆదివారం షకీల్ అహ్మద్ ఇంట్లో లేరు. సోమవారం విషయం తెలుసుకున్న ఆయన హుటాహుటీన ఇంటికి వచ్చి కుమారుడి ఆత్మహత్యపై తీవ్ర శోకం వ్యక్తం చేశారు. అయాన్ ఖాన్ ఆత్మహత్య పట్ల పలువురు రాజకీయ, వ్యాపార ప్రముఖులు షకీల్ ఖాన్ ను పరామర్శించారు. బీజేపీ నేత షానవాజ్ హుస్సేన్ షకీల్ ను పరామర్శించారు. ఈ ఘటన దురదృష్టకరమన్నారు. అయాన్ ఖాన్ ఓ మంచి విద్యార్థిగా తనకు తెలుసన్నారు. షకీల్ కు అతను ఒక్కడే కుమారుడని ఆన బాధ వర్ణనాతీతమని తెలిపారు.
