స్థానిక భాషలోనే రూపాయి లోగో

చెన్నై: తమిళనాడు ప్రభుత్వం రూపాయి లోగో చిహ్నాన్ని మార్చింది. గురువారం ఇందుకు సంబంధించిన వీడియోను ఈ రాష్ర్ట సీఎం స్టాలిన్​ విడుదల చేస్తూ కేంద్రంపై విమర్శలు సంధించారు. శుక్రవారం ఇందుకు సంబంధించిన చిత్రాన్ని రాష్ర్ట బడ్జెట్​ సందర్భంగా విడుదల చేశారు. 
తమిళ భాషలోనే రూపాయి లోగోను మార్చామన్నారు. హిందీ లోగోను తీసివేశామన్నారు. కాగా ఈ రూపాయి లోగోను కేంద్ర ప్రభుత్వం దేవనాగరి లిపిలో అందరి సమ్మతితో రూపొందించింది. అప్పట్లో ఈ లోగోను రూపకల్పన చేసిన వారికి బహుమతి కూడా ప్రకటించింది. అప్పట్లో అన్ని రాష్ర్టాలూ లోగోను అంగీకరించాయి. దీనిపై బీజేపీ నేతలు మాట్లాడుతూ.. స్టాలిన్​ రానున్న ఎన్నికల్లో లబ్ధి పొందేందుకు కాంగ్రెస్​ తో కుమ్మక్కు రాజకీయాలకు తెరతీస్తున్నారని విమర్శించారు. రూపాయి లోగో హిందీ భాషతో సంబంధం లేని దేవనాగరి లిపిదని దీని అసలు చరిత్ర తెలుసుకుంటే మంచిదని విమర్శించారు. గత కొన్ని రోజులుగా తమిళనాడు ప్రభుత్వానికి కేంద్ర ప్రభుత్వానికి హిందీ భాషా వివాదం నెలకొంది. ఈ నేపథ్యంలో కేంద్రం ఏ నిర్ణయాన్ని తీసుకున్నా స్టాలిన్​ వ్యతిరేకించే చర్యల్లో ముందువరుసలో ఉంటున్నారు.