రూ. 3.5 కోట్ల విదేశీ కరెన్సీ స్వాధీనం

ముంబాయి: నిఘా సమాచారం ఆధారంగా మహారాష్ట్రలోని పూణేలోని కస్టమ్స్ విభాగానికి చెందిన ఎయిర్ ఇంటెలిజెన్స్ యూనిట్ (ఎఐయూ) భారీ హవాలా రాకెట్‌ను ఛేదించింది. ఈ ముఠా విదేశాలకు వెళ్లే విద్యార్థులను ఉపయోగించి విదేశీ కరెన్సీని అక్రమంగా రవాణా చేసేది.  బుధవారం పూణే విమానాశ్రయంలో విద్యార్థుల పుస్తకాలో ఉన్న రూ. 3.5 కోట్ల అమెరికన్​ కరెన్సీని అధికారులు స్వాధీనం చేసుకున్నారు. విద్యార్థులకు అమెరికన్​ కరెన్సీని అందించిన ఖుష్బూ అగర్వాల్​, మహ్మద్​ ఆమిర్​ లను అరెస్టు చేశారు. విచారణలో ఈ విషయం వారికి తెలియకుండా జాగ్రత్త పడ్డారు. దీనిపై ఫిబ్రవరి 17నే సమాచారం అందుకున్న నిఘా వర్గాలు అప్రమత్తమయ్యాయి. ముంబైలోని ఫోర్ట్​ ప్రాంతంలో ఉన్న సంస్థపై దాడి చేసి రూ. 45 లక్షల విదేశీ కరెన్సీని స్వాధీనం చేసుకున్నారు. ఈ ఆపరేషన్​ లో పూణే, ముంబాయి, అహ్మాబాద్​ లకు చెందిన కస్టమ్స్​ అధికారులు పాల్గొన్నారు. మూడు ప్రదేశాల్లో ఏకకాలంలో దాడులు నిర్వహించారు.