థాయ్ లో బస్సు ప్రమాదం.. 18 మంది మృతి!
Bus accident in Thailand.. 18 dead!
బ్యాకాంక్: థాయ్ లాండ్ లో బుధవారం తెల్లవారుజామున ఘోర రోడ్డు ప్రమాదం చోటు చేసుకుంది. ఈ ప్రమాదంలో 18 మంది మృతి చెందగా, 23 మందికి తీవ్ర గాయాలయ్యాయి. తూర్పు థాయ్ లాండ్ లోని బ్యాకాంక్ కు 155 కి.మీ. దూరంలోని ప్రాచిన్ బురి ప్రావిన్స్ లో టూరిస్ట్ బస్సుకు బ్రేకులు ఫెయిల్ కావడంతోనే ప్రమాదం చోటు చేసుకున్నట్లు పోలీసులు వెల్లడించారు. బస్సు అదుపుతప్పి చిన్న లోయలో బోల్తా కొట్టిందన్నారు. ఈ బస్సులో మొత్తం 49 మంది ప్రయాణికులున్నట్లు తెలిపారు. విషయం తెలుసుకున్న అధికారులు రెస్క్యూ చర్యలు చేపట్టి గాయపడ్డవారిని ఆసుపత్రులకు తరలించారు. ప్రమాదంపై థాయ్ ప్రధాని పేటోంగ్టార్న్ షినవత్రా సంతాపం ప్రకటించారు. కారణాలపై ఉన్నతస్థాయి దర్యాప్తునకు ఆదేశించారు.
