ప్రతీకారం తప్పదు

నా తెలంగాణ, న్యూ ఢిల్లీ: బంగ్లాదేశ్​ ను ఉగ్రవాద దేశంగా మార్చారని ఇందుకు ప్రతీకారం తప్పదని బంగ్లా మాజీ ప్రధాని షేక్​ హసీనా తాత్కాలిక ప్రధాని యూనస్​ ను హెచ్చరించారు. శాంతియుతంగా ఉన్న దేశాన్ని చక్కదిద్దాల్సింది పోయి ఉగ్రవాదులతో కలిసి మరింత అగ్గికి ఆజ్యం పోశారని మండిపడ్డారు. మంగళవారం హసీనా మీడియాతో మాట్లాడారు. బంగ్లాకు ప్రస్తుతం ప్రపంచదేశాలు చేయూతనిచ్చే పరిస్థితుల్లో లేదని, ఆర్థికంగా ఆదుకునేందుకు ముందుకు రావడం లేదన్నారు. ఇదంతా యూనస్​ కుట్రేనన్నారు. అల్లా దయ వల్ల తాను బతికి బయటపడ్డానని, మరోమారు బంగ్లాలో ప్రజాస్వామ్యం ఫరిడవిల్లేలా చేస్తానని, తిరిగి వస్తానని చెప్పుకొచ్చారు. ఎంతోమంది మహిళలపై హింస జరిగిందని, వితంతువులుగా మారారని ఆవేదన వ్యక్తం చేశారు. నోబెల్​ గ్రహీత బంగ్లాను ఉగ్రదేశంగా మార్చారని వాపోయారు. బాధిత కుటుంబాలకు సహాయం చేస్తానని, హంతకులకు కఠిన శిక్షలు పడేలా చర్యలు చేపడతానని అన్నారు. పోలీసులను చంపకుండా విప్లవం సాధ్యం కాదని, ఎంతోంది పోలీసులను సైతం చంపిన ఒక విద్యార్థి ఉగ్ర నాయకుడికి యూనస్​ మంత్రి వర్గంలో చోటు కల్పించడం శోచనీయమన్నారు. అరాచకత్వాన్ని అంతం చేయకుంటే బంగ్లాదేశ్​ అంధకారంలో కూరుకుపోయే ప్రమాదం ఉందన్నారు.