అమెరికా టామోటాలు తినం!

ఒట్టావా: అమెరికా అధ్యక్షుడు ట్రంప్​ వార్నింగ్​ ల తరువాత కెనడా జాతీయులు ఒక్కటవుతున్నారు. ఆ దేశం నుంచి వస్తున్న దిగుమతులపై ఇప్పటికే ప్రభుత్వం 25 శాతం సుంకాలను విధించగా, మరోవైపు మార్కెట్లలో అమెరికన్​ బ్రాండ్లను కెనడా జాతీయులు పూర్తిగా నిషేధించారు. దీనికి బదులుగా ఇటలీ నుంచి వస్తున్న టమోటాలు, పండ్లు, కూరగాయలు తదితరాలను కొనుగోళ్లు చేస్తున్నారు. అమెరికా ట్యాగ్​ ఉన్న ఏ ఒక్క వస్తువును కొనేందుకు ఇష్టపడడం లేదు. దీంతో అమెరికన్​ మార్కెట్లు 3.6 శాతం నష్టపోయాయి. సుంకాల ప్రకటన తరువాత ఇరుదేశాల్లో ఆందోళనలు, నిరసనలు, ఉద్రిక్తలు పెరిగాయి. ట్రంప్​ వంద అడుగులు ముందుకేసి ఏకంగా కెనడాను అమెరికా 51వ రాష్​ర్టంగా మారుస్తామని ప్రకటించారు. సరిహద్దులను మూసివేశారు. ఆర్థిక సహాయం నిలిపివేశారు. ఆఖరున సుంకాలను కూడా విధించారు. దీంతో చిర్రెత్తుకొచ్చిన ట్రూడో అమెరికా విధానాలను ఎండగడుతూ ఆ దేశ ఉత్పత్తులపై భారీ సుంకాలను విధించాడు.