కేంద్రమంత్రి కూతురికి తప్పని వేధింపులు

కఠిన చర్యలు తప్పవన్న సీఎం ఫడ్నవీస్​
నిందితులపై పోక్సో కింద కేసు నమోదు

ముంబాయి: మహారాష్ట్రలో కేంద్ర మంత్రి కుమార్తెపై లైంగిక వేధింపుల కేసులో సీఎం ఫడ్నవీస్​ తీవ్ర ఆగ్రహం వ్యక్తం చేశారు. ఆదివారం ఈ సంఘటన వెలుగులోకి రావటంతో వారిపై కఠిన చర్యలు తప్పవన్నారు. ఫిబ్రవరి 28న కేంద్రమంత్రి కుతూరు, మరో ముగ్గురు స్నేహితులతో కలిసి కోత్లి అనే గ్రామాన్ని సందర్శించారు. ఇక్కడ ఏడుగురు యువకులు వారిని అసభ్యపదజాలంతో దూషిస్తూ వేధించినట్లుగా ఆదివారం జల్గాయ్​ లోని ముక్తాయ్​ నగర్​ పోలీస్​ స్టేషన్​ లో కేసు నమోదైంది. వెంటనే ఆ యువకులను పోలీసులు అదుపులోకి తీసుకున్నారు. మరికొందరు పరారీలో ఉన్నారు. కాగా వేధింపుల్లో ఒక పార్టీకి చెందిన వారు ఉన్నట్లు గుర్తించారు. ఆ కోణంలో పోలీసులు విచారణ చేపట్టారు. కాగా ఫిర్యాదులో తమతోపాటు సెక్యూరిటీ గార్డు కాలర్​ పట్టుకొని బెదిరించారని మంత్రి కూతురు ఫిర్యాదులో పేర్కొంది. కాగా అరెస్ట్​ అనంతరం డీఎస్పీ కుషానత్​ పింగాడే మీడియాతో మాట్లాడుతూ.. వీరందరిపై పోక్సో, ఇతర సెక్షన్ల కింద కేసు నమోదు చేసినట్లు తెలిపారు.