సుంకాల భయం.. దగ్గరవుతున్న చైనా

బీజింగ్​: అమెరికా సుంకాల భయం అన్ని దేశాలను వేధిస్తుండగా భారత్​–చైనా మధ్య మాత్రం స్నేహ హస్తాన్ని పెంపొందించేలా ఉంది. శుక్రవారం చైనా విదేశాంగ శాఖ మంత్రి వాంగ్​ బీజింగ్​ లో మీడియాతో మాట్లాడుతూ.. కీలక కష్ట తరుణంలో భారత్​–చైనాలు ఒకదానికొకటి మద్ధతు ఇచ్చుకోవాల్సిన సమయం ఆసన్నమైందన్నారు. న్యూఢిల్లీ–బీజింగ్​ లు కలిసి పనిచేయడంపై ఆలోచించాల్సిన అవసరం ఉందన్నారు. ప్రపంచంలో రెండు అతిపెద్ద ఆర్థికంగా ఎదిగిన దేశాలేనని కలిసి పనిచేస్తే అంతర్జాతీయ ప్రజాస్వామ్య దేశాలకు కూడా ఉజ్వల భవిష్యత్​ ఉంటుందని అన్నారు. ఇరుదేశాలు ఒకరినొకరు బలహీనపరచడానికి ప్రయత్నించే సమయం కాదన్నారు. అదే సమయంలో ద్వైపాక్షిక సంబంధాలను ప్రభావితం చేసే సరిహద్దు సమస్యలను నిర్వచించేందుకు అనుమతించకూడదన్నారు. ఇటీవలే భారత విదేశాంగ శాఖ మంత్రి జై శంకర్​ విదేశీ వేదికగా చైనాతో భారత్ స్థిరమైన బంధాలను కోరుకుంటుందన్నారు.