సంభాల్​ పోలీస్​ స్టేషన్​ నిర్మాణానికి భూమిపూజ!

లక్నో: యూపీ సంభాల్​ లోని పోలీస్​ స్టేషన్​ కు భూమి పూజ నిర్వహించారు. శుక్రవారమే అడిషనల్​ సూపరింటెండెంట్​, ఎస్పీలు కలిసి పోలీస్​ స్టేషన్​ నిర్మాణం కోసం స్థలాన్ని పరిశీలించారు. శనివారం భూమిపూజ నిర్వహించారు. మసీదు ముందే ఖాళీ స్థలాన్ని పోలీస్​ స్టేషన్​ నిర్మాణానికి ఎంచుకున్నారు. శుక్రవారం సాయంత్రం స్థలంలో తవ్వకాలు చేపట్టారు. ఉదయమే వేద బ్రహ్మణుల చేత శాస్ర్తోక్తంగా భూమి పూజ నిర్వహించారు. పూజ అనంతరమే పనులకు ఉపక్రమించనున్నట్లు అడిషనల్​ సూపరింటెండెంట్​ శ్రీశ్చంద్ర తెలిపారు. పోలీస్​ స్టేషన్​ నిర్మాణంతో ఈ ప్రాంతంలో భద్రతా వ్యవస్థ మరింత పటిష్ఠం అవుతుందన్నారు. సంభాల్​ అల్లర్ల తరువాత ఈ ప్రాంతంపై ప్రభుత్వం సీరియస్​ గా దృష్టి సారించింది. కాగా సంభాల్​ లో ఉన్న చారిత్రక పురాతన మందిరాలు, బావులు వెలుగుచూస్తున్నాయి. వీటిని వెలికితీసే పనులను ఎఎస్​ ఐ చేపట్టింది.