అజ్మీర్​ దర్గా పిటిషనర్​ గుప్తాపై కాల్పులు

తృటిలో తప్పిన ప్రాణాపాయం

జైపూర్​: అజ్మీర్​ దర్గా పిటిషనర్​, హిందూ సేన జాతీయ అధ్యక్షుడు విష్ణు గుప్తాపై గుర్తు తెలియని దుండగులు కాల్పులకు పాల్పడ్డారు. ఈ కాల్పుల్లో ఆయన తృటిలో తప్పించుకున్నారు. వెంటనే పోలీసులను ఆశ్రయించారు. శనివారం ఉదయం అజ్మీర్​ నుంచి ఢిల్లీ వెళుతుండగా బైక్​ పై ఆయన కారును వెంబడించిన దుండగులు గగ్వానా లాల్​ పూరా  కల్వర్ట్​ వద్ద కాల్పులకు తెగబడ్డారు. సమాచారం అందుకున్న పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు ప్రారంభించారు. గుప్తా అజ్మీర్​ దర్గా కాంప్లెక్స్​ లో హిందూ దేవాలయం ఉందని వ్యాఖ్యలు చేశారు. కోర్టులో పిటిషన్​ కూడా దాఖలు చేశారు. దీంతో గుప్తాకు పలుమార్లు బెదిరింపులు వచ్చాయి. శుక్రవారం కూడా చంపేస్తామని బెదిరింపులు వచ్చినట్లు గుప్తా పోలీసులకు తెలిపారు. గుర్తుతెలియని దుండగులు కాల్పులు జరిపి పారిపోయారని స్థానిక సీఐ రామచంద్ర తెలిపారు. ఘటనా స్థలంలో ఎఫ్​ ఎస్​ ఎల్​ బృందాన్ని పిలిచి ఆధారాలు సేకరిస్తున్నామన్నారు. సీసీ టీవీ ఫుటేజ్​ లను పరిశీలిస్తున్నామని నిందితులు వెళ్లన రహదారిపై పోలీసులు అప్రమత్తం చేశామన్నారు. త్వరలోనే నిందితులను పట్టుకుంటామని రామచంద్ర తెలిపారు.