సౌదీలో రోడ్డు ప్రమాదం 9మంది భారతీయులు మృతి!

రియాద్​: సౌదీ అరేబియా జిజాన్​ లో జరిగిన రోడ్డు ప్రమాదంలో తొమ్మిది మంది భారతీయులు మృతి చెందారు. బుధవారం జరిగిన రోడ్డు ప్రమాదం వివరాను జెడ్డాలోని భారత రాయబార కార్యాలయం విదేశాంగ శాఖకు తెలిపింది. ఈ ప్రమాదంపై కేంద్రమంత్రి ఎస్​.జై శంకర్​ విచారం వ్యక్తం చేశారు. వెంటనే భారతీయుల వివరాలపై ఆరా తీయాలన్నారు. క్షతగాత్రుల్లో భారతీయులంటే వారికి అత్యాధునిక చికిత్సలు అందించే ఏర్పాటు చేయాలన్నారు. 26 మంది కార్మికులతో కూడిన బస్సు దక్షిణ ఓడరేవు నగరమైన జిజాన్​ ప్రాంతానికి బయలుదేరింది. ఈ బస్సు–ఎదురుగా వస్తున్న ట్రైలర్​ ఢీకొనడంతో ప్రమాదం జరిగిందన్నారు. మరిన్ని వివరాలపై భారత కాన్సులేట్​, విదేశాంగ శాఖ పర్యవేక్షిస్తుందని తెలిపారు. భారతీయులతోపాటు మొత్తం 15 మంది ఈ ప్రమాదంలో మృతి చెందారు. కాగా మృతుల్లో ఇద్దరు తెలంగాణకు చెందిన వారు ఉన్నట్లుగా భావిస్తున్నారు. వివరాలపై ఆరా తీస్తున్నారు.