67వ పడిలోకి  ఆసియా టాప్​ మోస్ట్​ బిలియనీర్​ ముఖేష్​ అంబానీ

న్యూఢిల్లీ: ప్రపంచంలోనే టాప్​ మోస్ట్​ బిలియనీర్లలో 11వ స్థానంలో ఉన్న ముఖేష్​ అంబానీ 67వ యేట అడుగు పెట్టారు. 1957 ఏప్రిల్​ 19న ముఖేష్​ అంబానీ జన్మించారు. తండ్రి అడుగు జాడల్లో నడుస్తూ తండ్రి మరణానంతరం సామర్థ్యం, కృషితో తనకు దక్కిన అవకాశాలను వినియోగించి ఇంతింతై వటుడింతగా వ్యాపార సామ్రాజ్యంలో ఎదిగారు. నేడు ఆసియాలోనే అత్యంత ధనవంతుడిగా పేరు,ప్రఖ్యాతులు సాధించుకోగలిగారు.

రిలయన్స్​ పగ్గాలు చేపట్టి ఉన్నత శిఖరాలకు చేరారు. ప్రస్తుతం రియలన్స్​ క్యాపిటల్​ మార్కెట్​ విలువ రూ. 19.79 లక్షల కోట్లు కావడం విశేషం. బ్లూమ్​ బెర్గ్​ బిలియనీర్స్​ ఇండెక్స్​ నివేదిక ప్రకారం ముఖేష్​ అంబానీ సంపద 112 బిలియన్​ డాలర్లు.