ఆటో అమ్మకాల్లో 6.6 శాతం వృద్ధి

నా తెలంగాణ, న్యూ ఢిల్లీ: జనవరి–2025లో ఆటో అమ్మకాల్లో 6.6 శాతం వృద్ధి నమోదైందని ఎఫ్​ ఎడీఎ ఆటోమొబైల్ డీలర్స్ అసోసియేషన్స్ సమాఖ్య (FADA–ఫెడరేషన్​ ఆఫ్​ ఆటోమొబైల్​ డీలర్స్​ అసోసియేషన్​ ఇండియా) గురువారం వెల్లడించింది. 2025లో ఆటోమొబైల్​ రంగం బలమైన వృద్ధితో మొదలైంది. ఫలితాలు సానుకూలంగా ఉన్నప్పటికీ ఫిబ్రవరిలో మరింత వృద్ధిని ఆటో డీలర్లు ఆశిస్తున్నారు. అదే సమయంలో మరికొంతమంది డీలర్లు ఫిబ్రవరి అమ్మకాల్లో క్షీణత కూడా నమోదయ్యే అవకాశం ఉందని అంచనా వేస్తున్నారు. కాగా ఆటోమొబైల్​ అమ్మకాలు పెరిగేందుకు కేంద్ర బడ్జెట్​ లో ఎలాంటి ప్రకటన ఉంటుందోననే ఆందోళనలు కూడా కారణమై ఉండొచ్చని ఎఫ్​ఎడీఎ పేర్కొంది. అదే సమయంలో కేంద్ర బడ్జెట్​ లో మధ్యతరగతి వర్గాలకు బొనాంజా లాంటి నిర్ణయం వల్ల ఫిబ్రవరిలోనూ ఆటో మొబైల్​ అమ్మకాల్లో వృద్ధి చోటు చేసుకునే అవకాశం ఉందని అంచనా వేసింది. ద్విచక్ర వాహనాలు 4.15 శాతం, త్రిచక్ర వాహనాలు గతేడాది కాలంలో 15.53 శాతం, వాణిజ్య వాహనాలు 8.22 శాతం పెరిగాయి. నగర మార్కెట్లలో 18.57 శాతం అమ్మకాలు పెరిగినట్లు ఎఫ్​ఎడీఎ తెలిపింది.