హస్తంలో తనస్థానమేంటీ? రాహుల్ ను నిలదీసిన థరూర్!
What is in the hand? Tharoor deposed Rahul!
నా తెలంగాణ, న్యూ ఢిల్లీ: కాంగ్రెస్ పార్టీలో తనస్థానమేంటో చెప్పాలని ఆ పార్టీ సీనియర్ నాయకుడు శశిథరూర్ రాహుల్ గాంధీని ప్రశ్నించారు. గత కొంతకాలంగా పార్టీలో తాను ఆశించిన గౌరవ మర్యాదలు తనకు దక్కడం లేదని ఆవేదనతో ఉన్నారు. తనను పక్కన పెట్టడం పట్ల రాహుల్ తో తన అంతృప్తిని వెళ్ళగక్కారు. తనను ఎందుకు విస్మరిస్తున్నారని నిలదీశారు. తన స్థానం ఏంటో స్పష్టంగా చెప్పాలని థరూర్ రాహుల్ ను నిలదీశారు. కాగా థరూర్ ప్రశ్నలకు రాహుల్ గాంధీ దాటవేత ధోరణినే ప్రదర్శించారు. కాంగ్రెస్ పార్టీలో ఈ అంతర్గత నిలదీత ఫిబ్రవరి 18న జరిగిందనే వాదనలు వినిపిస్తున్నాయి. కాగా శనివారం ఈ విషయాలు బయటికి పొక్కాయి. భారత్ పై ట్రంప్ విధానం, ప్రధాని మోదీ అమెరికా పర్యటనపై శశిథరూర్ పాజిటివ్ గా మాట్లాడారు. దీంతో కాంగ్రెస్ కమిటీ థరూర్ పై తీవ్ర అసంతృప్తిని వ్యక్తం చేసినట్లు తెలుస్తుంది. అందుకే పలుకార్యక్రమాల్లో ఈయనకు చోటు కల్పించొద్దని నిర్ణయించారని సమాచారం. విషయం తెలుసుకున్న థరూర్ నేరుగా రాహుల్ తోనే ఈ విషయాన్ని తాడో పేడో తేల్చుకోవాలని నిర్ణయించినట్లుగా తెలుస్తుంది. త్వరలోనే సరైన సమాధానం రాకుంటే, తనకుపార్టీలో సముచిత స్థానం లభించకుంటే తట్టా బుట్టా సర్దుకునే అవకాశం కూడా లేకపోలేదని కాంగ్రెస్ వర్గాలు భావిస్తున్నాయి. అధిష్టానం సోనియా, రాహుల్, ప్రియాంకల వద్దకు నేరుగా ఎలాంటి అపాయింట్ మెంట్ లేకుండా వెళ్లగలిగే వారిలో థరూర్ ఒకరనే వాదన కూడా ఉంది. ఇలాంటి నాయకున్ని పక్కన పెట్టడంపై కాంగ్రెస్ వర్గాల్లో అంతర్గత కుమ్ములాటలున్నాయనే విషయం బయకు పొక్కింది. ఏది ఏమైనా కాంగ్రెస్ పార్టీకి దేశంలోనే కాదు.. పార్టీలోనూ ఎదురుపవనాలు వీస్తూ ఉక్కిరిబిక్కిరి చేస్తున్నాయి.
