ఆప్​ ఎమ్మెల్యేకు ఊరట

నా తెలంగాణ, న్యూ ఢిల్లీ: ఆప్ ఎమ్మెల్యే అమానతుల్లా ఖాన్‌కు ఉపశమనం లభించింది. అరెస్టుపై ఫిబ్రవరి 24 వరకు ఢిల్లీ కోర్టు స్టే విధించింది. జామియా నగర్‌లో జరిగిన పోలీసుల దాడి కేసులో ఆప్ ఎమ్మెల్యే అమానతుల్లా ఖాన్‌ నిందితుడు. గురువారం అరెస్టు పిటిషన్​ పై కోర్టు విచారించింది. ఢిల్లీ పోలీసులు ఎమ్మెల్యే ప్రమేయంపై ఆధారాలను ఫిబ్రవరి 24లోపు సమర్పించాలని పోలీసులను, అదే సమయంలో దర్యాప్తునకు పోలీసులతో సహకరించాలని ఎమ్మెల్యేను ఆదేశించింది. అమానతుల్లా ఖాన్​ పలుమార్లు నిందితులకు వత్తాసు పలుకుతూ పోలీసులను బెదిరించే వీడియోలు, ఫోటోలు పలు వార్తమాధ్యమాల్లో ప్రసారం అయ్యాయి. ఈ వీడియోల్లో అమానతుల్లా తన ప్రాంతంలోనే తన మనుషులనే అరెస్టు చేసేందుకు వస్తారా? మీకు ఎంత ధైర్యం? వెళ్లకుంటే తీవ్ర పరిణామాలుంటాయని పలుమార్లు హెచ్చరించారు. అంతేగాక హత్యయత్నం కేసులో నిందితుడు పోలీసుల కస్టడీ నుంచి తప్పించుకునేందుకు కూడా ఈయనే కారణమైనట్లు పోలీసులు ఆరోపిస్తున్నారు.