భారత్​–ఇజ్రాయెల్​ బంధాలు మరింత బలోపేతం

ఎఫ్​ సీసీఐ సమావేశంలో ఇజ్రాయెల్​ మంత్రి నిర్​ బర్కత్​

నా తెలంగాణ, న్యూ ఢిల్లీ: భారత్​–ఇజ్రాయెల్​ మధ్య వ్యాపార, వాణిజ్యాలు, ప్రజా సమస్యల పరిష్కారానికి చర్యలు, సాంకేతికత, పరిశ్రమ రంగాల సమస్యల పరిష్కారానికి కలిసి పనిచేస్తామని ఇజ్రాయెల్​ మంత్రి నిర్​ బర్కత్​ అన్నారు. మంగళవారం ఎఫ్​ ఐసీసీఐ న్యూ ఢిల్లీలో నిర్వహించిన సీఈవో ఫోరం సమావేశానికి హాజరయ్యారు. అనంతరం మీడియాతో మాట్లాడారు. ఈ సమావేశానికి తనను ఆహ్వానించినందుకు మంత్రి పీయూష్​ గోయల్​ కు కృతజ్ఞతలు తెలిపారు. ఇజ్రాయెల్​–భారత్​ ల మధ్య మరింత బలోపేత చర్చలకు ఈ వేదిక ఆస్కారం కల్పించనుందన్నారు. దీంతో ఇరుదేశాల్లోనూ వేగవంతమైన అభివృద్ధి సాధ్యమన్నారు. విస్తీర్ణ, జనాభా పరంగా తమది చిన్నదేశమే అయినప్పటికీ సాంకేతిక రంగంలో అత్యున్నతస్థాయిలో ఉన్నామన్నారు. భారత్​ కూడా మోదీ నేతృత్వంలో సాంకేతికతంగా ఎదుగుతుందని హర్షం వ్యక్తం చేశారు. సాంకేతిక, పరిశోధన, అభివృద్ధి, వాణిజ్యం, విద్య, ఆవిష్కరణలు, వైద్యం, భద్రత, ఎఐ, తయారీ, సైబర్​ భద్రత, ఎనర్జీ, వ్యవసాయం లాంటి పలు రంగాలపై ఇరుదేశాల వ్యాపారుల మధ్య ఫలప్రదమైన చర్చలు జరగాలని ఆకాంక్షించారు.  బీ2బీ (వ్యాపారం నుంచి వ్యాపారం–బిజినెస్​ 2 బిజినెస్​), జీ2బీ( ప్రభుత్వం నుంచి వ్యాపారం–గవర్నమెంట్​ 2 బిజినెస్​) అనే విధానాలు ఇరుదేశాల బంధాలను మరింత బలోపేతం చేయడంలో కీలక పాత్ర పోషిస్తాయని మంత్రి నిర్​ బర్కత్​ స్పష్టం చేశారు.