ఉచిత ప్రయోజనాలు.. పనిచేసేందుకు ఇష్టపడరు: సుప్రీంకోర్టు

నా తెలంగాణ, న్యూ ఢిల్లీ: ఉచిత రేషన్​, డబ్బులు పొందుతున్న వారు పనిచేసేందుకు ఇష్టపడరని సుప్రీంకోర్టు వ్యాఖ్యానించింది. బుధవారం పట్టణ పేదరిక నిర్మూలనపై కేసు విచారణ సందర్భంగా ఈ వ్యాఖ్యలు చేసింది. ఉచితాలకు అలవాటుపడిన ప్రజలు పనికి దూరంగా ఉంటున్నారని కోర్టు పేర్కొంది. ఏ పని చేయకుండానే డబ్బులు పొందుతున్నారని, అలాంటి వారిని ప్రధాన స్రవంతిలోకి తీసుకురావడమే ప్రథమ ప్రాధాన్యతనీయాలని ప్రభుత్వాలకు తెలిపింది. ఎన్నికలకు ముందు చేసే ఉచిత ప్రకటనలు, రేషన్​, డబ్బు అందుతుండటమే ప్రజలను పని తప్పించుకునేలా చేస్తున్నాయని తెలిపింది. ఇది దేశానికి దురదృష్టకరపరిణామంగా సంభవించే అవకాశం ఉందని చెప్పింది. దేశాభివృద్ధిలో ప్రతీ ఒక్కరి భాగస్వామ్యం ఉంటేనే మంచిదని అభిప్రాయం వ్యక్తం చేసింది.