కూలిన యుద్ధ విమానం

చండీగఢ్​: హరియాణాలోని పంచకులలో భారత వైమానిక దళం జాగ్వార్​ యుద్ధ విమానం కూలిపోయింది. అంబాలా ఎయిర్​ బేస్​ నుంచి శుక్రవారం బయలుదేరిన విమానం సాంకేతిక సమస్య తలెత్తడం వల్ల కుప్పకూలింది. విమానం కూలే ముందే పైలెట్​ బయటికి రావడంతో ప్రాణపాయం తప్పింది. ప్రమాద విషయం తెలుసుకున్న వైమానిక దళ అధికారులు దర్యాప్తునకు ఆదేశాలు జారీ చేశారు. పంచకుల కొండ ప్రాంతంలోని మోర్ని బాల్ద్వాలా గ్రామ సమీపంలో విమానం కూలిపోయిందన్నారు. పారాచూట్​ సహాయంతో పైలెట్​ తప్పించుకోగలిగాడని చెప్పారు. ఈ ప్రమాదంలో ఎటువంటి ప్రాణనష్టం జరగలేదని అధికారులు వివరించారు. వివరాలు అందుకున్న పోలీసులు వెంటనే ప్రమాద స్థలికి చేరుకొని సహాయక చర్యలు చేపట్టారు.