అవినీతి, అక్రమవలసలపై ఉక్కుపాదం

వాషింగ్టన్​: అమెరికా నుంచి అవినీతిని అంతమొందిస్తానని, అక్రమ వలసదారులను పూర్తిగా బహిష్కరిస్తానని అధ్యక్షుడు డోనాల్డ్​ ట్రంప్​ పునరుద్ఘాటించారు. అక్రమ వలసదారుల బహిష్కరణపై తన చర్య సరైందనని సమర్థించుకున్నారు. కన్జర్టేటివ్​ పోలిటికల్​ యాక్షన్​ కాన్ఫరెన్స్​ లో ట్రంప్​ ప్రసంగించారు. తమ దేశంలో తిష్టవేసి బాహ్యాశక్తులను ప్రభావితం చేసే దుండగులు, డీప్​ స్టేట్​ బ్యూరో క్రాట్లను తిరిగి పంపిస్తున్నామని అన్నారు. అక్రమ వలసదారులను బహిష్కరించడం తన ప్రాథమిక విధానమన్నారు. మోసగాళ్లు, అసత్యాలు చెప్పేవారు, నిజాయితీ లేని వారిని బయటకు పంపేస్తామన్నారు. చట్టవిరుద్ధంగా నివసిస్తున్న వారిని ఉపేక్షించబోమన్నారు. అమెరికా ఇమ్మిగ్రేషన్​ వ్యవస్థలో కొన్ని విభాగాల పనితీరును సరిచేయడం ప్రారంభించామన్నారు.  కాగా ఫిబ్రవరి 3వ తేదీ నాటికి 8,768మంది అక్రమ వలసదారులను అరెస్టు చేసినట్లు అమెరికా డిపార్ట్​ మెంట్​ ఆఫ్​ హోమ్​ ల్యాండ్​ సెక్యూరిటీ స్పష్టం చేసింది.