కోల్​ కతా నిందితుడిపై దాడికి యత్నం

కోల్​ కతా: కోల్​ కతా మెడికో హత్య కేసులో నిందితుడు సంజయ్​ రాయ్​ రిమాండ్​ ను కోర్టు పొడిగించింది. శుక్రవారం నిందితుడి పోలీస్​ కస్టడీ పూర్తి కావడంతో సుప్రీంకోర్టు సీబీఐ కస్టడీకి అప్పగించింది. 

కాగా నిందితుడు సంజయ్​ రాయ్​ ను కోర్టుకు తీసుకురావడంతో న్యాయవాదులు వ్యతిరేకించారు. పెద్ద పెట్టున నినాదాలు చేస్తూ నిందితుడిపై దాడి చేసేందుకు ప్రయత్నించారు. దీంతో స్పందించిన పోలీసులు వెంటనే నిందితుడిని సురక్షితంగా కోర్టులో ప్రవేశపెట్టారు. 

మరోవైపు ఈ ఘటనపై నందిగ్రామ్​ పోలీస్​ స్టేషన్​ ముందు బీజేపీ నాయకులు స్టేషన్​ ఘెరావ్​ చేశారు. పోలీసులతో వాగ్వాదానికి దిగారు. పోలీస్​ స్టేషన్​ ఆవరణలో ఏర్పాటు చేసిన బారికేడ్లను బద్ధలు కొట్టారు. కాగా మెడికో హత్యపై ప్రపంచవ్యాప్తంగా భారతీయ విద్యార్థులు, విద్యాసంస్థల్లో తమ నిరసనను వ్యక్తం చేస్తున్నారు. 

మరోవైపు ప్రిన్సిపాల్​ మరో నలుగురు విద్యార్థుల పాలిగ్రాఫ్​ టెస్ట్​ కు కోర్టు అనుమతించింది. న్యాయాధికారుల ముందు వీరి పాలిగ్రాఫ్​ టెస్ట్​ చేపట్టనున్నారు. శుక్రవారం ఈ ప్రక్రియ చేపట్టనున్నారు. వీరంతా మెడికో హత్య జరిగిన రోజు ఆమెతోపాటు కలిసి భోజనం చేసినట్లుగా సీబీఐ గుర్తించింది. మరోవైపు మెడికో హత్య, సాక్ష్యాల తారుమారు ప్రణాళిక ప్రకారమే జరిగినట్లు సీబీఐ అనుమానిస్తోంది. ప్రిన్సిపాల్​, మరో ఇద్దరు వైద్యుల హస్తం కూడా ఈ అత్యాచారం, హత్య విషయంలో ఉండొచ్చని అనుమానిస్తోంది.