హీట్​ వేవ్స్​ తో త్వరగా వృద్ధాప్యం

నా తెలంగాణ, సెంట్రల్​ డెస్క్​: హీట్​ వేవ్స్​ వల్ల త్వరగా వృద్ధాప్యం దరిచేరుతుందని అమెరికన్​ శాస్ర్తవేత్తలు ఆస్ర్టేలియాలో నిర్వహించిన ఓ పరిశోధనలో తేలింది. ఈ పరిశోధనల ప్రకారం సూర్యుని కిరణాలు నేరుగా మనిషిపై ప్రభావం చూపి వారి శక్తినంతా హరించివేస్తాయి. దీంతో శరీరంలో అంతర్గతంగా ఉన్న కణాల్లో కూడా నీటిశాతం తగ్గుతుంది. తేమశాతం తగ్గడంతో ఇది శరీంపై ప్రభావం చూపి త్వరగా వృద్ధాప్యానికి కారణంగా నిలుస్తుందని ఆ పరిశోధనలో తేలింది. ఈ పరిశోధనలో ఆస్ర్టేలియాకు చెందిన 3700మంది ఆరోగ్య స్థితిగతులను పరిశీలించారు. వేడివల్ల ఎపిజెనెటిక్స్​ ను మార్చివేస్తుంది. ఈ ప్రక్రియలో కణాలపై ఒత్తిడి పెరిగి జన్యువులు నిష్క్రియం అవుతాయి. ఉష్ణోగ్రతలను శరీరాలు తట్టుకునే క్రమంలో వేగంగా వృద్ధాప్యం దరిచేరుతుందని పరిశోధన నివేదికలు వెల్లడించాయి.అంతేగాక తీవ్రమైన వేడి వల్ల మనిషి శరీరంపై ఒత్తిడి పడి పనివేగం కూడా తగ్గుతుందని గుర్తించాయి. అయితే డీఎన్​ ఎలో ఎలాంటి మార్పు ఉండదని స్పష్టం చేశాయి. అయితే ఈ పరిశోధనలో మూడు రకాల జన్యు పరిశోధనలను కొలిచారు. ఇవి వయస్సు చక్రాలను కొలిచేందుకు ఉపయోగపడతాయి. ‘పీసీ ఫోనె ఏజ్​, పీసీ గ్రిమ్​ ఏజ్​, డూనేడిన్​ పేస్​’ అనే చక్రాల పరిశోధనలో ఈ ఫలితాలు తేలినట్లు అమెరికన్​ శాస్ర్తవేత్తలు స్పష్టం చేశారు.