టర్కీ హోటల్​ లో అగ్నిప్రమాదం 66మంది మృతి, 51మందికి గాయాలు

అంకారా: టర్కీలోని స్కీ రిసార్ట్​ హోటల్​ లో ఘోర అగ్ని ప్రమాదం జరిగింది. ఈ అగ్నిప్రమాదంలో 66మంది మృతి చెందగా, 51మందికి తీవ్ర గాయాలయ్యాయి. సోమవారం అర్థరాత్రి భారీ ఎత్తున మంటలు చెలరేగినట్లు మంత్రి అలీ యెర్లికాయ తెలిపారు. హోటల్​ పై అంతస్థులో భారీ ఎత్తున మంటలు చెలరేగాయన్నారు. దీంతో హోటల్​ లో ఉన్న వారు భయంతో అక్కడి నుంచి కిందకు దూకారని తెలిపారు. దీంతో పలువురు మృతి చెందారని, మరికొందరికి గాయాలయ్యాయని తెలిపారు. ఈ హోటల్​ లో అగ్ని ప్రమాదం సంభవించడానికి ముందు 234 మంది అతిథులు బస చేసినట్లు తెలిపారు. ప్రమాద సమాచారంతో హోటల్​ సిబ్బందిని కింద అంతస్థుల్లో ఉన్నవారిని సురక్షితంగా బయటికి తరలించారని తెలిపారు. కాగా విషయం తెలుసుకున్న అగ్నిమాపక శాఖ మంటలను పూర్తిగా అదుపులోకి తీసుకువచ్చింది. హోటల్​ లోని పై అంతస్థులో అగ్నిప్రమాదంపై అధికారులు విచారణ చేపట్టారు.