డిజిటల్​ ఆర్థికం జీడీపీలో ఐదోవంతు!

నా తెలంగాణ, న్యూ ఢిల్లీ: భారత్​ డిజిటల్​ ఆర్థిక వ్యవస్థ 2029–30 నాటికి ద్రవ్యోల్బణంలో  (జీడీపీ)లో ఐదో వంతును అందిస్తుందని డిజిటల్​ ఎకానమీ 2024 నివేదిక స్పష్టం చేసింది. నివేదిక ప్రకారం.. 2022–23లో  డిజిటల్​ ఆర్థిక వ్యవస్థ జీడీపీలో 11.74 శాతం వాటా (31.64 లక్షల కోట్లు) ఉంది. భారత్​ ప్రస్తుతం వేగంగా ఎదుగుతున్న డిజిటలైజేషన్​ దేశాలలో ఉంది. రిటైల్​, విద్య, వైద్యం, వ్యవసాయం వంటి రంగాల్లో కూడా డిజిటల్​ పరివర్తన వేగవంతంగా పెరుగుతోంది. ఎఐ, క్లౌడ్​ షేవలు, గ్లోబల్​ కెపాబిలిటీ సెంటర్స్​ పెరగడం (జీసీసీ), 55 శాతం జీసీసీలకు భారత్​ ఆతిథ్యం ఇవ్వడం వంటివి వేగవంతమైన డిజిటల్​ పరివర్తనకు ప్రధాన కారణాలు. దీంతో బహుళజాతి సంస్థలు కూడా భారత్​ కు వచ్చాయి. ఈ సంస్థల ద్వారా 14.67 మిలియన్ల మందికి 58.07 శాతం మందికి ఉపాధి లభించింది. ఈ రంగంలో పురుషులతోపాటు, మహిళలు కీలకంగా రాణిస్తుండడంతో వారికి కూడా ఉపాధి అవకాశాల్లో పెరుగుదల చోటు చేసుకుంటుంది. వాణిజ్య, వ్యాపారాలు పెద్ద ఎత్తున డిజిటల్​ పద్ధతులలోనే పెట్టుబడులకు ముందుకు వస్తున్నాయి. 95 శాతానికి పైగా బ్యాంకింగ్​ చెల్లింపు లావాదేవీలు డిజిటల్​ మాధ్యమంగానే ఉంటున్నాయి. విద్యారంగం కూడా ఆఫ్​ లైన్​, ఆన్​ లైన్​ మాధ్యమంగా విస్తరిస్తుంది. ఎఐ చాట్​ బాట్​ లు ఈ రంగంలో నూతన విప్లవాన్ని సృష్టించేందుకు సిద్ధంగా ఉన్నాయి. విద్యార్థుల సామర్థ్యం మరింతగా పెరగనుంది. లాజిస్టిక్స్​, హాస్పిటాలిటీ వంటి రంగాలు కూడా డిజిటల్​ మాధ్యమంగా మారాయి. ఈ నేపథ్యంలో రానున్న ఐదేళ్లలో భారత జీడీపీలో డిజిటల్​ రంగం ద్వారా ఐదోవంతు సహకారం అందనుందని నివేదిక స్పష్టం చేస్తుంది.