అట్టారి వాఘా బోర్డర్​ లో ఘనంగా బీటింగ్​ రిట్రీట్​

చండీగఢ్​: అట్టారీ వాఘా సరిహద్దులో గణతంత్ర వేడుకల సందర్భంగా బీటింగ్​ రిట్రీట్​ నిర్వహించారు. ఆదివారం నిర్వహించిన ఈ కార్యక్రమాన్ని వీక్షించేందుకు భారీ ఎత్తున వీక్షకులు వచ్చారు. బీఎస్​ఎఫ్​ జవాన్లు భూమి బద్ధలయ్యేలా చేసిన బీటింగ్​ రిట్రీట్​ ఆకట్టుకుంది. దేశ త్రివర్ణ పతాకాన్ని చేతబూని పరేడ్​ నిర్వహించారు. అనంతరం ఒకరినొకరు స్వీట్లు పంచుకున్నారు. పంజాబ్​ లోని అమృత్​ సర్​ జిల్లాలో ఉన్న అట్టారీ వాఘా సరిహద్దు భారత్​ మాతా కీ జై, వందేమాతరం అన్న నినాదాలతో హోరెత్తింది. బీటింగ్​ రిట్రీట్​ భారత్​–పాక్​ సరిహద్దు వద్ద ప్రతీరోజూ నిర్వహిస్తారు. సైనికుల క్రమశిక్షణ, ఉత్సాహం, దేశభక్తిని ఈ కార్యక్రమం ద్వారా చాటుతారు. సూర్యాస్తమయం సమయంలో ఇరుదేశాలు తమ తమ పతాకాలను అవనతం చేస్తారు.