శివశక్తి పాయింట్​ 3.7 బిలియన్​ ఏళ్ల పురాతనమైనది!

దక్షిణ ధృవం వివరాలను వెల్లడించిన శాస్త్రవేత్తలు

నా తెలంగాణ, సెంట్రల్​ డెస్క్​: చంద్రయాన్​ 3 ల్యాండింగ్​ అయిన చంద్రునిలోని దక్షిణ ధృవ ప్రాంతం శివశక్తి పాయింట్​ 3.7 బిలియన్​ సంవత్సరాల పురాతనమైందని శాస్త్రవేత్తలు భావిస్తున్నారు. జియోలాజికల్​ మ్యాపింగ్​ డేటా విశ్లేషణ ద్వారా శివశక్తి పాయింట్​ లో ల్యాండ్​ అయిన చంద్రయాన్​ 3 ప్రదేశాన్ని శాస్త్రవేత్తలు బృందం పరిశీలించింది. బిలాలు, మైదానాలు, రాతిశకలాలు వివిధ రకాల శకలాలను రోవర్​ అన్వేషణలో గుర్తించినట్లు కనుగొన్నారు. అంచనాల ప్రకారం చంద్రునిలోని శివశక్తి పాయింట్​ అనేది 3.7 బిలియన్​ సంవత్సరాలదన్నారు. అంటే జీవం ఉనికి ప్రారంభమైన కాలాన్ని సూచిస్తుందన్నారు. చంద్రయాన్​ 3 మిషన్​ లోని విక్రమ్​ ల్యాండర్​ కొంతకాలం నిర్లిప్తావస్తలోకి వెళ్లినా తిరిగి క్రియాశీలకంగా మారి ఆశ్చర్యకర విషయాలతో కూడిన సంకేతాలను అందజేస్తుంది. ఈ ల్యాండర్​ అందించిన వివరాలను పరిశీలిస్తున్న సైంటిస్టులకు పలు వివరాలను అధ్యయనం చేయడంలో సులవవుతుంది. పలు కీలక వివరాలు బయటపడుతున్నాయి. ల్యాండింగ్​ సైట్​ కు 14 కిలోమీటర్ల దూరం దక్షిణంగా 540 మీటర్ల బిలం, పశ్చిమాన 10 మీటర్ల బిలం, రాతిశకలాలను గుర్తించారు. 

2023 ఆగస్ట్​ 23న చంద్రయాన్​ 3 మిషన్​ చంద్రుని దక్షిణ ధృవంలో విజయవంతంగా ల్యాండింగ్​ అయి నాలుగో దేశంగా నిలిచింది. అదే సమయంలో దక్షిణ ధృవానికి చేరుకున్న తొలి దేశంగా నిలిచింది.