అటాగ్స్​ కు కేంద్రం ఆమోదం

రూ. 7000 కోట్లు కేటాయింపు
ప్రధానితో భద్రతా వ్యవహారాల కమిటీ భేటీలో నిర్ణయం

నా తెలంగాణ, న్యూ ఢిల్లీ: అటాగ్స్​ (ఏటీఎజీఎస్​–అడ్వాన్స్​ డ్​ టవ్డ్​ ఆర్టిలరీ గన్​ సిస్టమ్​)లోని కీలకమైన ఉప వ్యవస్థల కొనుగోలుకు మోదీ ప్రభుత్వం ఒకే చెప్పింది. బుధవారం కేంద్ర కేబినెట్​ లోనే ఈ నిర్ణయం తీసుకున్నా, గురువారం మోదీ నేతృత్వంలోని భద్రతా వ్యవహారాల కమిటీ భేటీలో ఆమోదించారు. భారత సైన్యం కోసం రూ. 7వేల కోట్ల వ్యయంతో అడ్వాన్స్​డ్​ టోవ్డ్​ ఆర్టిలరీ గన్​ సిస్ట్​ కొనుగోలు ఒప్పందాన్ని ఆమోదించింది. దీంతో పాక్​–చైనా సరిహద్దుల్లో భద్రత మరింత పటిష్టం కానుంది. ఈ నిధులతో 155 ఎంఎం ఆర్టిలరీ గన్​ వ్యవస్థను కొనుగోలు చేయనున్నారు. ఈ అత్యాధునిక గన్​ 45 కి.మీ. వరకు దాడి చేసే సామర్థ్యాన్ని కలిగి ఉంది. ఈ నిధులతో 307 గన్​ లు, 327 గన్​ లను మోసే వాహనాలు కూడా కొనుగోలు చేయనున్నారు. కేంద్రం నిర్ణయంతో స్వదేశీ రక్షణ తయారీ, సాంకేతిక పురోగతికి దోహదపడనుంది. అటాగ్స్ ను రక్షణ పరిశోధన, డీఆర్డీవో, ప్రైవేట్​ పరిశ్రమల భాగస్వామ్యంతో అభివృద్ధి చేశారు. 65 శాతానికి పైగా ఈ గన్​ లను దేశీయంగా రూపొందించారు.