బట్టతలపై జుట్టుమెలిపిస్తా!

రంగంలోకి పోలీసులు.. పరారైన నిందితుడు
జట్టు మొలిపించే ఆశలు నిరాశలే!

ఇండోర్​: సామాజిక మాధ్యమం వేదికగా బట్టతలపై వెంట్రుకలు మొలిపిస్తానన్న సల్మాన్​ అనే ఢిల్లీకి చెందిన వ్యక్తి ఇండోర్​ కు వచ్చాడన్న సమాచారంతో భారీ ఎత్తున బట్టతల ఉన్న వారంతా క్యూ కట్టారు. మంగళవారం ఉదయం ఆరు గంటల నుంచే పెద్ద ఎత్తున అతను వచ్చిన ప్రాంతానికి క్యూ కట్టారు. ఒకదశలో జనాలను సల్మాన్​ సిబ్బంది అదుపు చేయలేకపోయారు. సల్మాన్​ వద్ద ఉన్న నూనె రాసుకుంటే బట్టతలపై వెంట్రుకలు వస్తాయని క్యూలైన్​ లో వేచి ఉన్నవారు చెప్పడం గమనార్హం. చుట్టుపక్కల వారు ఇంత జనాలెందుకబ్బా అని ఆరా తీసి పనిలో పనిగా దగ్గరలో బట్టతల ఉన్నవారు కూడా లైన్​ లో నిల్చనున్నారు. అయితే ఇంత పెద్ద ఎత్తున బట్టతల వారు వచ్చారని తెలుసుకొని, పోలీసులకు సమాచారం అందడంతో విషయమెంటో ఆరాతీద్దామని పోలీసులు వెళ్లారు. దీంతో సల్మాన్​ చల్లగా జారుకున్నాడు. పోలీసులు ఇతని అనుచరుడు రయీస్​ అహ్మద్​ ను పట్టుకొని బట్టతలపై నిజంగా జట్టు మొలిపిస్తున్నాడా? అని ఆరా తీసే పనిలో ఉన్నారు. ఏది ఏమైనా బట్టతల బాధితుల బాధలు అన్నీ ఇన్నీ కావని ఈ సంఘటన చూస్తే తెలుస్తుంది పాపం.