సాగర్ నీళ్లు ఎత్కపోయిన ఏపీ
టెయిల్ పాండ్ నుంచి 4 టీఎంసీలు తరలింపు – మొద్దు నిద్రలో రాష్ట్ర సర్కారు.. ముందే గుర్తించని అధికారులు – మరోసారి తెరమీదకు ఏపీ, తెలంగాణ మధ్య జల వివాదం
నా తెలంగాణ, నల్గొండ: ఇప్పటికే తాగునీటి కోసం నాగార్జున సాగర్ కుటి కాలువ నీటిని తీసుకెళ్తున్న ఏపీ.. సాగర్ టెయిల్ పాండ్ నుంచి దొంగచాటుగా జలాలను తరలించుకుపోయింది. సాగర్ ప్రాజెక్టుకు దిగువన నల్గొండ జిల్లా అడవి దేవులపల్లి సమీపంలోని చిట్యాల దగ్గర నిర్మించిన టెయిల్ పాండ్ నుంచి ఏపీ అధి కారులు 4 టీఎంసీల నీళ్లను గుట్టు చప్పుడు కాకుండా విడుదల చేసుకున్నారు. రాష్ట్ర సర్కారు మాత్రం మొద్దు నిద్రలో ఉన్నది. ముందే గుర్తించడంలో విఫలమైన అధికారులు.. ఇప్పుడు ఏపీ నీళ్లు తరలించుకుపోయిన తర్వాత.. బోర్డుకు ఫిర్యాదు చేసే పనిలో నిమగ్నమయ్యారు. 4 టీఎంసీల నీటిని అనధికారికంగా ఏపీ వినియోగించుకోవడంపై తెలుగు రాష్ట్రాల మధ్య మరోసారి జల వివాదం భగ్గుమంది.
