బడ్జెట్టా.. రాజకీయ ప్రసంగమా?

నా తెలంగాణ, డోర్నకల్: కాంగ్రెస్​ ప్రభుత్వం విడుదల చేసిన బడ్జెట్ రాజకీయ ప్రసంగంలానే ఉందని అంతా ట్రాష్​ అని మహాబూబాబాద్​ జిల్లా ​ గ్రంథాలయ మాజీ చైర్మన్​ గుడిపుడి నవీన్​ రావు విమర్శించారు. గురువారం బడ్జెట్​ విడుదలపై ఆయన విలేఖరుల సమావేశం నిర్వహించారు.

ఆర్థిక మంత్రి బడ్జెట్​ ప్రసంగాన్ని పలకడం తప్ప కొత్తగా ఏమీ లేదన్నారు. రైతులకు వెన్నుపోటు పొడిచారని ఆరోపించారు. ఒక్క కొత్త పథకం ప్రవేశపెట్టలేదన్నారు. ఉన్న పథకాలను కూడా పక్కన పెట్టే కుట్రలు చేస్తున్నారని విమర్శించారు. టీఆర్​ఎస్​ పాలనలో ప్రజా సంక్షేమం కోసం అనేక పథకాలను ప్రవేశపెట్టామని గుర్తు చేశారు. ఈ ప్రభుత్వం వాటన్నింటినీ అటకెక్కించిందని మండిపడ్డారు.

ధాన్యం కొనుగోలు, విద్యుత్​, నీటి సరఫరా,గొర్రెల పంపిణీ ఊసే లేదన్నారు. వృత్తి కార్మికులకు కేటాయింపులే లేవన్నారు. మత్స్యకారులకు భరోసా కల్పించలేదన్నారు. దళిత బంధు ప్రస్తావన బడ్జెట్​ లో లేకపోవడం శోచనీయమన్నారు. ఇది దళితుల పట్ల ఫ్యూడల్​ విధానానికి నిదర్శనమని అన్నారు. లక్ష కోట్ల వడ్డీ లేని రుణాలు ఇస్తామని చెప్పి అధికారంలోకి వచ్చాక ఆ విషయాన్నే పక్కకు నెట్టారని విమర్శించారు. కాంగ్రెస్​ ప్రభుత్వానికి తెలంగాణ రాష్ర్ట ఆర్థిక ప్రగతిపై సరైన విధానమే లేదని నవీన్ రావు ఆగ్రహం వ్యక్తం చేశారు.