గందర్భాల్​ దాడి.. స్థానికుల సహాయ సహాకారాలు

టీఆర్​ఎఫ్​ హస్తంపై ఆధారాల సేకరణ
వివరాలు వెల్లడించిన ఎన్​ ఐఏ

శ్రీనగర్​: గందర్భాల్​ దాడిలో కొత్తకోణం వెలుగులోకొచ్చింది. దాడిచేసిన ఉగ్రవాదులకు స్థానికుల పూర్తి సహాయ సహకారాలు లభించినట్లు ఎన్​ ఐఏ అధికారులు మంగళవారం ఆధారాలతో సహా గుర్తించి మీడియాకు వివరాలు వెల్లడించారు. అక్టోబర్​ 20న లేబర్​ క్యాంపుపై దాడిలో ఆరుగురు కార్మికులు, ఒక వైద్యురాలు మృతి చెందింది. ఈ దాడికి బాధ్యతను ఇప్పటికే టీఆర్​ఎఫ్ (లష్కరే తోయిబా అనుబంధ ఉగ్రసంస్థ)​ తీసుకున్నట్లు ప్రకటించింది. ఉగ్రవాదులకు స్థానికుల ద్వారా వాహనం సమకూరినట్లు గుర్తించారు. అలాగే దాడికి ముందు రెక్కిలో కూడా వారికి పూర్తి సహకారం లభించింది. ఆ క్యాంపులో ఉన్న జవాన్లకు సంబంధించి అణువణువు సమాచారాన్ని సేకరించారు. దీంతో శిబిరంపై దాడికి పాల్పడ్డారు. ఈ ఉగ్రదాడిలో కుల్గామ్​ స్థానికుడు 2023 నుంచి అదృశ్యమైన యువకుడు ఉన్నట్లు గుర్తించామన్నారు. ఉగ్రవాదుల కదలికలకు సంబంధించిన పూర్తి సీసీ టీవీ ఫుటేజీని ఎన్ ఐఏ సేకరించింది. ఉగ్రవాదుల వద్ద అత్యాధునిక ఆయుధాలు ఎం–4, ఎకే–47లు ఉన్నట్లు గుర్తించారు. 7 నిమిషాలపాటు క్యాంపులోనేఉండి దాడి చేసి పారిపోయినట్లుగా గుర్తించారు.