ఆశ్రమ పాఠశాల ఆకస్మిక తనిఖీ

నా తెలంగాణ, ఆదిలాబాద్: పాఠశాలను పరిశుభ్రంగా ఉంచుకోవడం అభినందనీయమని తెలంగాణ  రాష్ర్ట మహిళా కమిషన్​ చైర్​ పర్సన్​ నేరెళ్ల శారద అన్నారు. జిల్లాలోని ఇంద్రవెల్లి మండలం కేస్లాపూర్ గ్రామంలోని ప్రభుత్వ ఆశ్రమ ఉన్నత పాఠశాలను శుక్రవారం నేరెళ్ల శారద  ఆకస్మికంగా తనిఖీ చేశారు. విద్యార్థినులతో  బోధన, హస్టల్​ లోని అందుతున్న సౌకర్యాలు, వసతులపై అడిగి తెలుసుకున్నారు. గదులు, వంటశాల, మరుగుదొడ్లను పరిశీలించారు. ఏదైనా సమస్య ఉంటే కమిషన్​ దృష్టికి ఎలా తీసుకురావాలన్నదానిపై అవగాహన కల్పించారు. సమస్యలపై ఫిర్యాదు చేయడం కోసం మహిళా కమిషన్ టోల్ ఫ్రీ నెంబర్ 9490555533ను విద్యార్థులకు ఇచ్చారు. ఈ కార్యక్రమంలో మహిళా కమీషన్ సభ్యురాలు ఈశ్వరి భాయి, సిబ్బంది పాల్గొన్నారు.