బడ్జెట్ పై అఖిలపక్ష భేటీ
పార్లమెంట్ సజావుగా సాగితేనే సమస్యల పరిష్కారం సాధ్యం డిప్యూటీ స్పీకర్ పదవికి కాంగ్రెస్ పట్టు పార్లమెంట్ లో ప్రతిపక్షాల తీరు సరి కాదన్న కేంద్రమంత్రులు
నా తెలంగాణ, న్యూ ఢిల్లీ: 2024–25 బడ్జెట్ మంగళవారం విడుదల కానున్న నేపథ్యంలో కేంద్ర ప్రభుత్వం అఖిలపక్ష సమావేశాన్ని ఏర్పాటు చేసింది. ఆదివారం న్యూఢిల్లీలోని పార్లమెంట్ భవన్ లో అఖిలపక్ష సమావేశం జరిగింది.
ఈ సమావేశంలో కేంద్రమంత్రులు జేపీ నడ్డా, రాజ్ నాథ్ సింగ్, కిరన్ రిజుజు, చిరాగ్ పాశ్వాన్, కాంగ్రెస్ నాయకుడు జై రాం రమేశ్, ఎస్పీ నాయకుడు రామ్ గోపాల్ యాదవ్, ఎంఐఎం ఎంపీ అసదుద్దీన్ ఓవైసీ, ఆప్ ఎంపీ సంజయ్ సిగ్, ఎన్సీపీ ప్రఫుల్ పటేల్ సహా పలువురు హాజరయ్యారు.
ఈ సందర్భంగా యూపీలో జరగనున్న కన్వీనర్ యాత్ర, నీట్ – యూజీ పేపర్ లీక్, అగ్నివీర్, జమ్మూకశ్మీర్ లో ఉగ్రదాడులు, మణిపూర్ హింస, రైలు ప్రమాదాలపై ప్రతిపక్షాలు పలు ప్రశ్నలను లేవనెత్తాయి. కాగా కాంగ్రెస్ పార్టీ తమకు డిప్యూటీ స్పీకర్ పదవి కావాలని డిమాండ్ చేసింది.
కేంద్రమంత్రులు మాట్లాడుతూ.. జూలై 22 నుంచి ఆగస్టు 12 వరకు పార్లమెంట్ బడ్జెట్ సమావేశాలు జరగనున్నాయన్నారు. ఈ సమావేశాల్లో ప్రతిపక్షాలు అడిగిన ప్రతీ ప్రశ్నకు సమాధానం ఇస్తామన్నారు. పార్లమెంట్ బడ్జెట్ సమావేశాలను సజావుగా సాగనీయాలని కోరారు. ప్రతీసారి జరుగుతున్న సమావేశాల్లో ప్రతిపక్షాలు వ్యవహారించే తీరు సరికాదన్నారు. కేంద్ర ప్రభుత్వం ఆయా అంశాలపై సమాధానం చెప్పేందుకు, చర్యలు తీసుకునేందుకు పూర్తి సంసిద్ధంగా ఉందని గుర్తురెగాలన్నారు. దేశంలోని సమస్యలపై పార్లమెంట్ వేదికగా పరిష్కార దిశగా కేంద్రం వెళుతుందన్నారు. ఈ విషయంపై ప్రతిపక్ష పార్టీలు సహకరించాలని విజ్ఞప్తి చేశారు.
