ఓటర్లు ఇంట్లో కూర్చోవద్దు రచయిత్రి, వ్యాపారవేత్త సుధామూర్తి

బెంగళూరు: ఓటర్లు ఇంట్లో కూర్చోవద్దని ప్రముఖ రచయిత్రి, వ్యాపారవేత్త సుధామూర్తి అన్నారు. శుక్రవారం ఉదయం ఆమె బెంగళూరులో తన ఓటు హక్కు వినియోగించుకున్నారు. అనంతరం మీడియాతో మాట్లాడారు. గ్రామాల్లోని వారి కంటే నగరాల్లోని ప్రజల ఓటింగ్​ శాతం చాలా తగ్గుతోందని ఆవేదన వ్యక్తం చేశారు. ప్రజాస్వామ్యాన్ని సమర్థవంతంగా ఎన్నుకున్నప్పుడే ప్రజలు కోరుకున్న పాలన దక్కించుకోగలమని అన్నారు. ఈ నేపథ్యంలో ప్రజలు స్వచ్ఛందంగా వచ్చి ఓటు హక్కును వినియోగించుకోవాలని సుధామూర్తి పిలుపునిచ్చారు.