త్వరలో స్టార్​ లింక్​ ఇంటర్నెట్​!

నా తెలంగాణ, న్యూ ఢిల్లీ: ఎయిర్​ టెల్​–స్పేస్​ ఎక్స్​ భాగస్వామ్యం కుదిరింది. ఈ రెండు సంస్థల భాగస్వామ్యంతో త్వరలోనే స్టార్​ లింక్​ ఉపగ్రహ ఇంటర్నెట్​ ను భారత్​ కు తీసుకువచ్చేందుకు ఒప్పందం కుదిరింది. ఇక భారత ప్రభుత్వ అనుమతే తరువాయి. అనుమతి లభించిన వెంటనే ఒప్పందం ప్రకారం ఇంటర్నెట్​ పనులను కొనసాగించనున్నారు. ఈ ఒప్పందం ప్రకారం స్టార్​ లింక్​ పరికరాలను ఎయిర్​ టెల్​ తన స్టోర్లలో విక్రయించనుంది. ఈ పరికరాల ద్వారా గ్రామీణ ప్రాంతాలు, పాఠశాలలు, ఆరోగ్య కేంద్రాలు, మారుమూల ప్రాంతాల్లో కూడా నిరంతరంగా, ఎలాంటి అంతరాయం లేకుండా ఇంటర్నెట్​ సదుపాయం అందనుంది. ఇప్పటికే ఎయిర్​ టెల్​ ఉపగ్రహ ఇంటర్నెట్​ ను అందజేస్తుంది.