చొరబాట్లు ఆగితేనే శాంతి

కోల్​ కతా: పశ్చిమ బెంగాల్​ నుంచి చొరబాట్లు ఆగినప్పుడు ఇక్కడ శాంతి నెలకొంటుందని, 2026లో రాష్ర్టంలో అధికారంలోకి వస్తే చొరబాట్లను పూర్తిగా అడ్డుకుంటామని కేంద్ర హోంశాఖ మంత్రి అమిత్​ షా అన్నారు. కోల్​ కతాలోని పెట్రాపోల్​ ల్యాండ్​ పోర్టులో నూతన ప్యాసింజర్​ టెర్మినల్​ భవనం, కార్గోగేట్​ ను ఆదివారం ప్రారంభించారు. అనంతరం ప్రసంగిస్తూ టీఎంసీ ప్రభుత్వంపై విరుచుకుపడ్డారు. అవినీతి, చొరబాట్లు, మహిళలపై దాడులు, హిందువులపై దాడులు, రౌడీలు, గుండాల పాలనను టీఎంసీ మమత సర్కార్​ కొనసాగిస్తుందని ఆగ్రహం వ్యక్తం చేశారు. తాము అధికారంలోకి వస్తే సరిహద్దుల్లో చట్టవిరుద్ధమైన మార్గాలను మూసివేస్తామని అన్నారు. టీఎంసీ చర్యలు రాష్​ర్ట శాంతిభద్రతలకు తీవ్ర విఘాతం కలిగిస్తున్నాయని మండిపడ్డారు. ఈ పోర్టు రెండు దేశాల మధ్య వాణిజ్య సంబంధాలను ప్రోత్సహించడమే గాకుండా రవాణాకు శక్తివంతమైన మాధ్యమమని మంత్రి అమిత్​ షా తెలిపారు. ఈ ప్రాజెక్టు ద్వారా భారత్​, బంగ్లాదేశ్​ సంస్కృతిక బంధాలు కూడా బలోపేతం అవుతాయని షా వివరించారు.