హైబ్రిడ్​ మ్యాచ్​ లను ధృవీకరించిన ఐసీసీ

తలొగ్గిన పీసీసీబీ, సంతోషం వ్యక్తం చేసిన బీసీసీఐ
త్వరలోనే షెడ్యూల్​ ప్రకటించే అవకాశం

నా తెలంగాణ, న్యూ ఢిల్లీ: ఎట్టకేలకు ఐసీసీ (ఇంటర్నేషనల్​ క్రికెట్ కంట్రోల్​ బోర్డు) ప్రతిపాదనకు పీసీబీ (పాక్​ క్రికెట్​ కంట్రోల్​ బోర్డు) తలొగ్గింది. 2025లో జరగనున్న ఐసీసీ ట్రోఫీ హైబ్రిడ్​ మోడల్​ కు అంగీకరించింది. భారత్​ అంగీకరించిన హైబ్రిడ్​ మోడల్​ కు ఓకే లభించడం పట్ల బీసీసీఐ (భారత్​ క్రికెట్​ కంట్రోల్​ బోర్డు) సంతోషం వ్యక్తం చేసింది. గురువారం ఐసీసీ ఛాంపియన్స్​ ట్రోఫీ–2025ను హైబ్రిడ్​ మోడల్​ నిర్వహణ విషయాన్ని ధృవీకరించింది. పూర్తి షెడ్యూల్​ ను ఇంకా ప్రకటించలేదు. 

భారత్ జరిగే ఇతర దేశాల మ్యాచ్​ లన్నీ తటస్థ వేదికలపైనే జరగనున్నాయి. 2025 ఐసీసీ మహిళల క్రికెట్​ ప్రపంచకప్​, ఐసీసీ ఛాంపియన్స్​ ట్రోఫీ 2025, పురుషుల టీ–20 ప్రపంచకప్​ 2026లో భారత్​ – శ్రీలంకలో జరగనున్నాయి. ఫిబ్రవరి, మార్చిలో షెడ్యూల్ చేసిన 2025 ఛాంపియన్స్ ట్రోఫీలో ఎనిమిది జట్లు ఉంటాయి. ఆఫ్ఘనిస్తాన్, ఆస్ట్రేలియా, బంగ్లాదేశ్, ఇంగ్లాండ్, ఇండియా, న్యూజిలాండ్, దక్షిణాఫ్రికా, ఆతిథ్య పాకిస్తాన్లున్నాయి. 2012–-13లో చివరిసారిగా ద్వైపాక్షిక సిరీస్‌ ఆడిన భారత్‌, పాకిస్థాన్‌లు ఇప్పుడు ప్రధానంగా ఐసీసీ ఈవెంట్‌లు, ఆసియా కప్‌లలో కలుస్తున్నాయి. ఛాంపియన్స్ ట్రోఫీ 2025 షెడ్యూల్ త్వరలో ప్రకటించనున్నారు.