విజయానికి అందరూ అర్హులే అపజయానికి బాధ్యులు ఒక్కరే!

ముంబై: విజయం సాధిస్తే అందరూ అర్హులవుతారని, కానీ అపజయానికి ఒక్కరినే బాధ్యులను చేస్తారని మహారాష్​ర్ట డిప్యూటీ సీఎం దేవేంద్ర ఫడ్నవీస్​ అన్నారు. శనివారం ఆయన ముంబైలో తమ పార్టీప్రదర్శన, రాజీనామాలపై మాట్లాడారు. శుక్రవారం కేంద్ర మంత్రి అమిత్​ షాతో కూడా ఫడ్నవీస్​ భేటీ అయిన విషయం తెలిసిందే. మహారాష్ర్టలో బీజేపీ విజయానికి తీవ్రంగా కృషి చేసినప్పటికీ ఆ ప్రయత్నాలు ఫలించకపోవడం దురదృష్టమని పేర్కొన్నారు. అయినా తాను నిరాశ చెందబోనని తెలిపారు. శివసేన (యూబీటీ) ఉద్ధవ్​ ఠాక్రేపై కూడా విమర్శలు చేశారు. కేంద్రమంత్రి అమిత్​ షాతో తన భేటీలో పదవిలో కొనసాగాలని విజ్ఞప్తి చేశారని తెలిపారు. ఓటమికి కారణాలను విశ్లేషించాల్సిన బాధ్యత తనపై ఉంచారని తెలిపారు. రానున్న సమయంలో బీజేపీ విజయానికి కృషి చేయాలని తన పనితీరుపై సంతృప్తి వ్యక్తం చేశారని ఫడ్నవీస్​ పేర్కొన్నారు.