ఢిల్లీ ఎన్​సీఆర్​ వంద స్కూళ్లకు బాంబు బెదిరింపులు

నా తెలంగాణ, న్యూఢిల్లీ: ఢిల్లీ ఎన్​ సీఆర్​ లోని వందకు పైగా పాఠశాలల్లో బాంబు పెట్టినట్లు బెదిరింపు మెయిల్​ వచ్చింది.  బుధవారం వచ్చిన ఈ మెయిల్​ తో అధికార యంత్రాంగం, పోలీసులు, పాఠశాల యాజమాన్యాలు ఒక్కసారిగా ఉలిక్కిపడ్డాయి. వెంటనే రంగంలోని పోలీసులు పాఠశాలల్లో యాజమాన్యాకు ధైర్యం చెప్పి బాంబు స్క్వాడ్​, డాగ్​ స్క్వాడ్​ లను రంగంలోకి దింపారు. బెదిరింపు మెయిల్​ ఉత్తదే అని నిర్ధారించారు. 

బెదిరింపు మెయిల్​ రాగానే పాఠశాలల్లో తీవ్ర కలకలం రేగింది. స్కూలు యాజమాన్యాలు తమ పిల్లలను ఉన్నఫలంగా తీసుకువెళ్లాలని మెస్సేజ్​ లు తల్లిదండ్రులకు ఫోన్​ లు చేశారు. దీంతో ఆయా ప్రాంతాల్లోని పాఠశాలల వద్ద తల్లిదండ్రులు తీవ్ర ఆందోళన చెందారు. తమ తమ పిల్లల కోసం పరుగుపరుగున వచ్చారు. బాంబు బెదిరింపు విషయం తెలుసుకున్న వారు ఆవేదన వ్యక్తం చేశారు. 

బెదిరింపులు..

మెయిల్​ ద్వారా బెదిరింపులకు దిగిన దుండగులు పాఠశాలల్లో బాంబులు పెట్టామని విద్యార్థుల శరీరాలను ముక్కలు చేస్తామని ఇస్లాం మతం నినాదాలు రాశారు. తమ అణువణువులోనూ జిహాద్​ ఉందని తెలిపారు. ప్రతీకారాన్ని మాత్రమే తాము కోరుకుంటామని మెయిల్​ లో బెదిరించారు. 

పోలీసులు..

బెదిరింపులపై ఢిల్లీ పోలీసు కమిషనర్​ మాట్లాడుతూ.. బెదిరింపులు వచ్చింది వాస్తవమే అని పాఠశాలను పూర్తిగా తనిఖీ చేశామని అన్నారు. ఇది ఉత్తుత్తి బెదిరింపు కాల్​ గా నిర్ధారించామన్నారు. ఐపీ అడ్రస్​ ద్వారా నిందితులను కనుగొనే ప్రయత్నం చేస్తున్నామని తెలిపారు. తల్లిదండ్రులు, పాఠశాలల యాజమాన్యాలు ఎలాంటి ఆందోళన అవసరం లేదని స్పష్టం చేశారు. కాగా బెదిరింపులు ఐపీ అడ్రస్​ చిరునామా రష్యా నుంచి వచ్చినట్లు పోలీసులు కనుగొన్నారు. అయితే ఈ విషయాన్ని ఇంకా వెల్లడించలేదు.