150 యూనిట్ల ఉచిత విద్యుత్​

రూ. 7వేలకు పూజారుల వేతనం పెంపు
రాజస్థాన్​ బడ్జెట్​ విడుదల

జైపూర్​: రాజస్థాన్​ అసెంబ్లీలో ఆ రాష్ర్ట ఆర్థిక మంత్రి దియా కుమారి బుధవారం బడ్జెట్​ ను ప్రవేశపెట్టారు. బడ్జెట్​ ప్రసంగంలో 1.25లక్షల ప్రభుత్వ ఉద్యోగాలను యువతకు కల్పిస్తామన్నారు. పూజారులకు రూ. 7500 వేతనం, 150 యూనిట్ల వరకు ఉచిత విద్యుత్​, సినీయర్​ సిటిజన్ల కోసం ఉచిత మతపరమైన పర్యటనకు చర్యలు, రూ. 500 కోట్ల వ్యయంతో వివేకానంద ఉపాధి నిధి ఏర్పాటు, 1.50 లక్షల మంది యువతకు ప్రైవేట్​ రంగంలో ఉపాధి, ఆయుష్మాన్​ భవ కింద రూ. 3500 కోట్లతో మహాకోష్​ ఏర్పాటు, గ్రామీణ ప్రాంతాల్లో తాగునీరు అందించేందుకు రూ. 425 కోట్లు కేటాయింపు, వెయ్యి బోరుబావుల ఏర్పాటు, రెండు లక్షల ఇళ్లకు ప్రధాని జల్​ జీవన్​ మిషన్​ కింద ఉచిత తాగునీటి కనెక్షన్లు,  ఉచితంగా 50వేల వ్యవసాయ, ఐదు లక్షల గృహ విద్యుత్​ కనెక్షన్లు, పర్యాటక ప్రోత్సాహానికి రూ. 975 కోట్లు, రోడ్లు, వంతెనల నిర్మాణాలకు రూ. 5వేల కోట్లు, జైపూర్​ ట్రాఫిక్​ వ్యవస్థను సరిదిద్దేందుకు రూ. 250 కోట్ల కేటాయింపు, అటల్​ ప్రగతి పథం కింద ఐదువేల గ్రామీణ ప్రాంతాల్లో రోడ్ల నిర్మాణం, 9 గ్రీన్​ ఫీల్డ్​ ఎక్స్​ ప్రెస్​ వేల నిర్మాణానికి రూ. 6వే లకోట్ల కేటాయింపు, లక్పతీ దీదీ కింద 20 లక్షల మందికి రూ. 1 లక్ష రుణాలు, పవర్​ ఆఫ్​ అటర్నీపై స్టాంపు డ్యూటీని తొలగించారు. పట్టణ ప్రాంతాల్లో పచ్చదనం పెంపుదలకు రూ. 43 కోట్లు కేటాయింపు, సోలార్​ దీదీ కింద 25వేల మందికి శిక్షణ, 15 సంవత్సరాల వాహనాలను నిలిపివేసేందుకు స్ర్కాప్​ పాలసీ తీసుకురానున్నారు. పట్టణ ప్రాంతాల్లో స్వచ్ఛతకు రూ. 900 కోట్లు కేటాయింపు, గ్రీన్​ ఆరావళికి రూ. 250 కోట్లు కేటాయింపు, 35 లక్షల మంది రైతులకు రూ. 25వేల కోట్ల వడ్డీ లేని రుణాలు అందించనున్నారు.