రాహల్ వ్యాఖ్యలు దిష్ఠిబొమ్మ దగ్ధం చేసిన బీజేపీ
BJP burnt effigy of Rahul's comments
నా తెలంగాణ, మెదక్: రాహుల్ విదేశీ పర్యటనలో వ్యాఖ్యలపై మెదక్ జిల్లా బీజేపీ తీవ్ర ఆందోళన వ్యక్తం చేసింది. గురువారం జిల్లా అధ్యక్షులు గడ్డం శ్రీనివాస్ ఆధ్వర్యంలో రాందాస్ చౌరస్తాలో నిరసన చేపట్టారు. రాజ్యాంగానికి విరుద్ధంగా రిజర్వేషన్లను రద్దు చేస్తామని రాహుల్ చెప్పడాన్ని ఆయన ఖండించారు. రాజ్యాంగాన్ని కించపరిచే వ్యాఖ్యలు మానుకోవాలన్నారు. దేశ ప్రజలకు భేషరతుగా రాహుల్ గాంధీ క్షమాపణలు చెప్పాలని డిమాండ్ చేశారు. ఈ వ్యాఖ్యలపై కాంగ్రెస్ నాయకులకు సమాధానం చెప్పాల్సిన అవసరం ఉందన్నారు. లేకుంటే ఈ విషయంపై పార్టీని, నాయకులను నిలదీస్తామన్నారు. ఈ సందర్భంగా రాహుల్ గాంధీ దిష్ఠిబొమ్మను దగ్ధం చేశారు. ఈ కార్యక్రమంలో బీజేపీ జిల్లా ప్రధాన కార్యదర్శి ఎంఎల్ ఎన్. రెడ్డి, పట్టణ అధ్యక్షుడు నాయిని ప్రసాద్, మండల అధ్యక్షులు ప్రభాకర్, హవేలీ ఘన్ పూర్ మండల అధ్యక్షులు రంజీత్ రెడ్డి, సీనియర్ నాయకులు లోకేష్ రాము, విటలేష్, ఓబీసీ మోర్చా రాష్ట్ర నాయకుడు పక్కవారి శివ, భాను, రాహుల్ తదితరులు పాల్గొన్నారు.
