సీఏఏపై స్టేకు అప్పీల్ సుప్రీం నిరాకరణ

నా తెలంగాణ, ఢిల్లీ: సీఏఏ (పౌరసత్వ సవరణ చట్టం)పై స్టే ఇచ్చేందుకు సుప్రీంకోర్టు నిరాకరించింది. సీఏఏపై స్టే ఇవ్వాలని ముస్లింలీగ్​ సహా కేరళ ప్రభుత్వం, మరికొంతమంది సుప్రీంలో పిటిషన్​ దాఖలు చేశారు. ఈ పిటిషన్​పై మంగళవారం సుప్రీంకోర్టు విచారణ చేపట్టింది. చీఫ్‌ జస్టిస్‌ డీవై చంద్రచూడ్‌, జస్టిస్‌ జేబీ పార్ధీవాలా, జస్టిస్‌ మనోజ్‌మిశ్రాలతో కూడిన ధర్మాసనం స్టే ఇచ్చేందుకు నిరాకరించింది. అదే సమయంలో ఈ చట్టం అమలుపై 230 పిటిషన్లు దాఖలవడం పట్ల మూడు వారాల్లోగా వివరణ ఇవ్వాలని కేంద్రానికి సుప్రీం నోటీసులిచ్చింది. ఏప్రిల్​ 8వ తేదీలోగా కేంద్రం తన నిర్ణయం, స్పందన తెలియజేయాలని సూచించింది. విచారణను ఏప్రిల్​ 9కి వాయిదా వేసింది. సీఏఏతో ముస్లింలకు అన్యాయం జరుగుతోందని ఈ కారణం ఆధారంగా స్టే ఇవ్వాలని కోరిన విషయం తెలిసిందే.