సీఎం అనాలోచిత నిర్ణయాలపై కేంద్రమంత్రి కిషన్ రెడ్డి ఫైర్
Union Minister Kishan Reddy fire on CM's ill-advised decisions
- డ్రేనేజీ సమస్య తీర్చకుండా
- సుందరీకరణ ఎలా సాధ్యం?
- వేగంగా భాగ్యనగరం అభివృద్ధి
- కాంట్రాక్టర్లకు బిల్లులు, కార్మికులకు వేతనాలేవి?
- పనులు చేపట్టేందుకు కాంట్రాక్టర్ల వెనకడుగు
- డ్రైనేజీ వ్యవస్థను సరిచేసి మూసీ సుందరీకరణ చేపట్టండి
- ఇళ్లను కూలిస్తే సహించం
- ముషిరాబాద్‌లో పలు అభివృద్ధి పనులకు కేంద్రమంత్రి ప్రారంభోత్సవం
నా తెలంగాణ, హైదరాబాద్: మూసీ పరివాహక ప్రాంతాల్లో చుట్టుపక్కల ఇళ్లలో ఓపెన్ డ్రైనేజీలు ఉన్నాయని వీటిని ఎస్టీపీలతో అనుసంధానం చేయకుండా మూసీని ఎలా సుందరీకరిస్తారని తెలంగాణ రాష్ట్ర బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్ రెడ్డి సీఎం రేవంత్ రెడ్డిని ప్రశ్నించారు. శనివారం హైదరాబాద్ ముషీరాబాద్, ఆడిక్ మెట్ ప్రాంతాల్లో పలు అభివృద్ధి కార్యక్రమాలను చేపట్టారు. ఈ సందర్భంగా కేంద్రమంత్రి జి.కిషన్ రెడ్డి కాంగ్రెస్ ప్రభుత్వం, సీఎం రేవంత్ రెడ్డి తీసుకున్న అనాలోచిత నిర్ణయాలపై మరోసారి ఫైర్ అయ్యారు.
అన్ని రంగాల్లో భాగ్యనగరం ముందుకు..
భాగ్యనగరం అత్యంత వేగంగా అభివృద్ధి చెందుతున్న నగరంగా కీర్తి పొందింది. ప్రపంచంలో అత్యంత వేగంగా అభివృద్ధి జరుగుతున్న ప్రాంతాల్లో హైదరాబాద్ ఒకటన్నారు. పారిశ్రామిక రంగం, ఐటీ, ఫార్మా, డిఫెన్స్, హెల్త్ సెక్టార్, విద్యారంగాల్లో హైదరాబాద్ వేగవంతంగా ముందుకెళ్తుందని చెప్పారు.
కాంగ్రెస్ దుష్టపన్నాగమే..
ప్రస్తుత కాంగ్రెస్ ప్రభుత్వం కాంట్రాక్టర్లకు, కార్మికులకు బిల్లులు, జీతాలు ఇవ్వలేని పరిస్థితుల్లో కొట్టుమిట్టాడుతుందని. అలాంటి పరిస్థితుల్లో మూసీ సుందరీకరణ ఎలా చేపడతారని ప్రశ్నించారు. ముందుగా సకాలంలో బిల్లులు, కార్మికులకు వేతనాలు చెల్లించే ఆలోచన చేయాలని సూచించారు. నగరంలో అభివృద్ధి పనులకు టెండర్లను పిలిస్తే కాంట్రాక్టర్లు ముందుకు వచ్చే పరిస్థితి. ఇదంతా కాంగ్రెస్ ప్రభుత్వం దుష్టపన్నాగమేనని అభివర్ణించారు.
అండర్ గ్రౌండ్ డ్రైనేజీ నిర్మాణంలో ఇరు పార్టీలు విఫలం..
నగరంలో చాలా ప్రాంతాల్లో డ్రైనేజీ వ్యవస్థ అస్తవ్యస్తంగా ఉందని తద్ఫలితంగా చిన్నపాటి వర్షానికే డ్రైనేజీ నీరు పొంగిపొర్లుతూ ఇళ్లలోకి చేరింది. ఇంతవరకూ అండర్ గ్రౌండ్ డ్రైనేజీ నిర్మాణం చేయాలన్న ఇంగిత జ్ఞానం గతంలో బీఆర్ ఎస్, కాంగ్రెస్ ప్రభుత్వాలకు లేకపోవడం శోచనీయమన్నారు. ప్రభుత్వం స్పందించి తక్షణమే చర్యలు తీసుకోకుంటే రానున్న రోజుల్లో డ్రైనేజీ సమస్య పెద్దగా మారి నగరానికి పెను శాపంగా పరిణమించే అవకాశం లేకపోలేదు.
నగరాభివృద్ధికి నిధులు విడుదల చేయాలి..
లక్షా యాభై వేల కోట్లతో మూసీనది సుందరీకరణ అని సీఎం రేవంత్ రెడ్డి పదేపదే చెబుతున్నారు. సుందరీకరణ అవసరమే గానీ పేదల ఇళ్లను కూల్చి సుందరీకరణకు ఒప్పుకోమన్నారు. ఇళ్లను తొలగించకూడదని డిమాండ్ చేశారు. ముందుగా నగరాభివృద్ధి విషయంలో అన్ని పార్టీలతో ఉన్నతస్థాయి సమావేశాన్ని నిర్వహించి నిధులు విడుదల చేసి నగరపాలన చేయాలని సీఎం రేవంత్ రెడ్డికి సూచించారు.
అభివృద్ధి పనులకు ప్రారంభోత్సవాలు..
ముషీరాబాద్‌లోని ఆడిక్ మెట్ డివిజన్, లలిత నగర్ గ్రేవీయార్డ్‌లో అభివృద్ధి కార్యక్రమాలు జరుగుతున్నాయి. అనంతరం పద్మశాలి సంఘం కమ్యూనిటీ హాల్‌లో రెండో ఫ్లోర్‌ను కలిగి ఉంది. బాదంగల్లిలో సీసీ రోడ్డుకు శంకుస్థాపన చేశారు. మున్సిపల్ వార్డు కార్యాలయం, వాలీ బాల్ గ్రౌండ్‌లో ఓపెన్ జిమ్, స్టేజ్ సిట్టింగ్ గ్యాలరీలను కేంద్రమంత్రి జి.కిషన్ రెడ్డి కనుగొన్నారు. ఈ కార్యక్రమంలో కేంద్రమంత్రితోపాటు స్థానిక ఎమ్మెల్యే ముఠా గోపాల్, కార్పొరేటర్ సుప్రియ, బీజేపీ స్థానిక నాయకులు, కార్యకర్తలు, స్థానిక ప్రజలు ఉన్నారు.
