శిక్షణ విమానం క్రాష్​ ల్యాండ్​

జంషెడ్​ పూర్​: జంషెడ్​ పూర్​ నుంచి బయలుదేరిన శిక్షణ విమానం ప్రమాదానికి గురైంది. మంగళవారం ఈ దుర్ఘటన చోటు చేసుకుంది. సోనారీ నుంచి బయలుదేరిన విమానం అమ్డా ప్రాంతంలో క్రాష్​ ల్యాండ్​ అయినట్లు అధికారులు గుర్తించారు. ఇందులో పైలెట్​, ట్రైనీ పైలెట్​ ఉన్నారన్నారు. వీరిద్దరు గాయాలతో బయటపడ్డారని తెలిపారు. 

విమానం టేక్​ ఆఫ్​ అయిన 15 నిమిషాలకే ఎయిర్​ ట్రాఫిక్​ తో సంబంధాలు తెగిపోయాయని అధికారులు తెలిపారు. చివరగా వచ్చిన సిగ్నల్​ ద్వారా విమానం ఆచూకీ కనుగొన్నామన్నారు. ఆమ్డా ప్రాంతంలో కూలిపోయిందనే సమాచారంతో ఘటనా స్థలికి అధికారులు చేరుకున్నారు. పైలెట్​, ట్రైనీ పైలెట్లు సురక్షితంగా ఉన్నట్లు అధికారులు తెలిపారు. అయితే విమానం కూలిపోయిందా, ల్యాండింగ్​ అయిందా? లేక మరేదైనా కారణమా? అన్న విషయాలను అధికారులు పేర్కొనలేదు. అయితే ఈ విమాన ప్రమాదంపై ఇంతకుముందు విమానాన్ని తనిఖీ చేసిన అధికారి మాట్లాడుతూ.. ఈ విమానం ఇంజన్​ లో వైఫల్యం ఉందని ఎప్పుడైనా కూలిపోయే ప్రమాదం ఉందని గతంలోనే తెలిపానని వివరించారు.