గొర్రెలను మేశారు మూడో రోజు ఏసీబీ విచారణ 

నా తెలంగాణ, హైదరాబాద్: గొర్రెల అవినీతి కేసులో పశుసంవర్థక శాఖ జాయింట్​ డైరెక్టర్​ అంజిలప్ప, అసిస్టెంట్​ డైరెక్టర్​ కృష్ణయ్యలను మూడో రోజు విచారిస్తున్నారు. సోమవారం బంజారాహిల్స్​లోని ఏసీబీ ప్రధాన కార్యాలయంలో వీరి విచారణ కొనసాగుతోంది. ఇప్పటికే గొర్రెల స్కామ్​కు సంబంధించి విచారణలో వీరి వాంగ్మూలాలను  రికార్డు చేశారు. ఈ కుంభకోణంలో మరికొందరి పాత్రపైనా ఏసీబీ ఆరా తీస్తోంది. ప్రైవేట్​ కాంట్రాక్టర్​ మొయినుద్దీన్​కు నిందితులకు మధ్య ఉన్న సంబంధాలపై ఆరా తీస్తున్నారు. ఈ కుంభకోణంలో రెండు కోట్ల పది లక్షల రూపాయలు దారి మళ్లించినట్లు ఏసీబీ అధికారులు గుర్తించారు. ఐదు రోజులపాటు వీరిని విచారించనున్నారు. ఉదయం 10 గంటల నుంచి సాయంత్రం 6 గంటల వరకు విచారణకు కోర్టు అనుమతి మంజూరు చేసింది. అనంతరం చంచల్​గూడ జైలుకు తరలించాలని కోర్టు ఆదేశించింది. గత ప్రభుత్వ హయాంలో జరిగిన అవినీతిపై  రేవంత్​రెడ్డి ప్రభుత్వం ఉక్కుపాదం మోపుతోంది. ఇందులో భాగంగానే అన్ని విభాగాల్లో జరిగిన అవకతవకలపై ఒక్కొక్కటిగా అవినీతిని బయటకు లాగుతోంది. నిందితులిద్దరు రూ. 2.10 కోట్ల నిధులను పక్కదారి పట్టించినట్లు ఏసీబీ విచారణ సందర్భంగా స్పష్టం అవుతోంది.