రేవంత్​ పాలన బాగాలేదు

సీపీఎం రాష్ట్ర కార్యదర్శి తమ్మినేని 
మహిళలకు ఉచిత బస్సు తప్ప ఏం ఇచ్చిండు?
హైడ్రా, మూసీ పేరుతో ఇళ్లు కూల్చిండు

నా తెలంగాణ, హైదరాబాద్​ : రాష్ట్రంలో రేవంత్​ పాలన తీరు బాగాలేదని సీపీఎం రాష్ట్ర కార్యదర్శి తమ్మినేని వీరభద్రం మండిపడ్డారు. సీఎంగా రాష్ట్రానికి ఆయన ఏ వర్గానికి మంచి చేయలేదని ఆరోపించారు. శనివారం హైదరాబాద్​ లో మీడియాతో మాట్లాడిన ఆయన ఏడాది పాలనపై ప్రజా విజయోత్సవాలు నిర్వహిస్తున్న కాంగ్రెస్​ ప్రభుత్వం ఇప్పటి వరకు మహిళలకు ఉచిత బస్సు మినహా ఏ హామీ అమలు చేయలేదని మండిపడ్డారు. హైడ్రా, మూసీ పేరుతో ఇళ్లు కూల్చారని విమర్శించారు. అధికారంలోకి వచ్చిన వంద రోజుల్లోనే అసెంబ్లీ ఎన్నికల ముందు ఇచ్చిన ప్రతి గ్యారంటీ, హామీని అమలు చేస్తామన్న రేవంత్​ రెడ్డి.. ప్రజలు హామీల గురించి అడగగానే డైవర్షన్ పాలిటిక్స్​ చేస్తున్నారని ఆరోపించారు.